ملکہ الزبتھ نے ہاروی وائنسٹن کو دیا گیا اعزازی ایوارڈ واپس لے لیا

ملکہ الزبتھ نے خواتین کے ’ریپ‘ الزامات ثابت ہونے کے بعد ہا لی وڈ پروڈیوسر ہاروی وائنسٹن کو دیا گیا اعزازی ایوارڈ واپس لے لیا۔

باغی ٹی وی : 68 سالہ ہاروی وائنسٹن رواں سال مارچ سے ایک خاتون کے ریپ کے الزام میں 23 سال جیل کی سزا کاٹ رہے ہیں انہوں نے اپنی سزا کے خلاف اپیل بھی دائر کر رکھی ہے۔

علاوہ ازیں ہاروی وائنسٹن کے خلاف امریکہ کی متعدد ریاستوں میں ریپ اور خواتین کے جنسی استحصال کے فوجداری مقدمات کی سماعت ہونا ابھی باقی ہے۔

ابھی تک ہاروی وائنسٹن کو صرف ایک ہی کیس میں امریکی ریاست نیویارک کی عدالت نے جیل بھیجا ہے جب کہ ان کے خلاف لاس اینجلس سمیت متعدد شہروں کی عدالت میں انتہائی سنگین نوعیت کے مقدمات زیر التوا ہیں۔

ریپ اور خواتین کے جنسی استحصال کے الزامات میں آسکر اکیڈمی نے بھی ہاروی وائنسٹن کی رکنیت ختم کر رکھی ہے جب کہ دیگر کئی فلمی تنظیموں نے بھی ان کے خلاف کارروائی کر رکھی ہے۔

اور اب ملکہ الزبتھ نے بھی ڈیڑھ دہائی قبل فلم ساز کو دیا جانے والا سول برطانوی اعزاز واپس کرنے کی ہدایات جاری کردیں۔

خبر رساں ادارے رائٹرز نے ایک رپورٹ کا حوالہ دیتے ہوئے بتایا کہ ملکہ برطانیہ نے ہاروی وائنسٹن کو دیا گیا اعلیٰ خدمات کا دیا گیا سول کمانڈر کا اعزازی ایوارڈ واپس لینے کا حکم جاری کردیا۔

ملکہ برطانیہ نے اپنے حکم نامے میں واضح لکھا کہ ریاست برطانیہ کی جانب سے فلم ساز کو 29 جنوری 2004 میں دئیے گئے ایوارڈ کو منسوخ کیا جائے-

ملکہ برطانیہ نے فلم ساز کو دیا گیا ایوارڈ ایک خاتون اسسٹنٹ کو جنسی طور پر ہراساں کرنے اور ایک خاتون کو ریپ کا نشانہ بنائے جانے کا الزام ثابت ہونے پر منسوخ کرنے کا حکم دیا۔

کنگنا رناوت نے ارمیلا ماٹونڈکر کو عریاں فلم کی سٹار قرار دیا

گلوکارہ ٹیلر سوئفٹ کی جانب سے کیٹی پیری کی بیٹی کو دئیے گئے تحفے کے سوشل میڈیا پر…

جواب چھوڑیں

آپ کا ای میل ایڈریس شائع نہیں کیا جائے گا.