ملکہ برطانیہ کو پوتے، پوتیوں کی جانب سے خراج عقیدت

0
26

ملکہ برطانیہ کو پوتے، پوتیوں کی جانب سے خراج عقیدت پیش کیا گیا جس کی قیادت شہزادہ ولیم نے کی۔

باغی ٹی وی : برطانوی میڈیا کے مطابق خراج عقیدت کے دوران شہزادہ ہیری کو بھی فوجی وردی میں آنے کی اجازت دی گئی جبکہ آنجہانی ملکہ کی آخری رسومات پیر کو اداکی جائیں گی۔

ملکہ برطانیہ کا کفن تھامنےکی کوشش کرنے والے شخص گرفتار


دوسری جانب ملکہ الزبتھ دوم کے جنازے میں مدعو افراد کی فہرست جاری کردی گئی ہے۔

ملکہ کی آخری رسومات کے لیے امریکی صدرجوبائیڈن اور ان کی اہلیہ جل بائیڈن مہمانوں میں سرفہرست ہیں جبکہ یورپ سمیت دنیا بھر سے شاہی خاندانوں کی لندن آمد جاری ہیں۔

شہزادہ ہیری اور میگھن کے بچے شاہی القاب سے محروم رہیں گے

جاپان کےشہنشاہ ناروہیٹو اورمہارانی ماساکو بھی آخری رسومات میں شرکت کریں گے، دولت مشترکہ ممالک کے سربراہان بھی شریک ہوں گے جبکہ وزیراعظم شہبازشریف پاکستان کی نمائندگی کریں گے۔

واضح رہے کہ 70سال تک برطانیہ پر حکمرانی کرنے والی ملکہ الزبتھ دوم 96 برس کی عمر میں جمعرات 8 ستمبر کو بیلمورل میں انتقال کر گئیں الزبتھ1952 میں ملکہ بنیں اور اپنے دور میں انھوں نے بڑے پیمانے پر سماجی تبدیلی دیکھی-

برطانیہ عوام کی جانب سے 96 سالہ ملکہ کو خراج عقیدت پیش کرنے کا سلسلہ جاری ہے آنجہانی ملکہ برطانیہ کی آخری رسومات 19 ستمبر کو ادا کی جائیں گی جس کے دوران شرکا ونڈزر کاسل تک ایک جلوس کی شکل میں پیدل جائیں گے ملکہ کو ونڈزر میں کنگ جارج ششم میموریل چیپل میں سپرد خاک کیا جائے گا۔

ملکہ الزبتھ دوم کی وفات: شہد کی مکھیوں کو بھی خبر دے دی گئی

Leave a reply