قرآن__!!! بقلم:جویریہ بتول

قرآن__!!!
(بقلم:جویریہ بتول)۔
مومنوں کے لیئے رحمت…
انسانیت کے لیئے ہدایت…
ہے علوم کا سمندر…
اسرار کا جہاں ہے…
دیکھو تو اس کے اندر
ہے جو یہ کتابِ آخر…!!!
رہ کی ہے روشن قندیل…
اس میں ہر شئے کی تفصیل…
مہ و انجم کے ہیں اسرار…
برے،بھلے سے کرے خبردار…
یہ روحِ انسان کا شباب…
جمود فکر میں انقلاب…!!!
یہ تو ضابطۂ حیات ہے…
منزلِ مقصود کا راز ہے…
یہ ہے وہ شفاف چشمہ…
جو مثلِ آبِ حیات ہے…!!!
عقبیٰ کی ہے روشنی…
جنت کا حصول بھی…
جہنم سے آڑ ہے یہ…
رحمتوں کا نزول بھی…!!!
جس کی لحن کی کشش…
دل کے تاروں کو کھینچتی ہے…
اندر کی سب پیاس بجھا کر…
گہرائی تک سینچتی ہے…!!!
اس کے بغیر ہے انساں ادھُورا…
نہ سمجھ سکے کوئی مسئلہ…
نہ سیکھ پائے علم کوئی پُورا…
دردِ انسانیت سے کرے آشنا…
ظاہر و باطن کرے ہم صدا…
قرآن ہی ہے میری زندگی…
میرے لیئے ہے یہ رہِ بندگی…!!!
شب کی ظلمت میں بھٹکتے ہوئے…
مرے لیئے ہے یہ پیامِ سحر …!!!
مرے لیئے تو زندگی میں بس…
ساتھ قرآن کا ہی ہے فخر…!!!
اسی پہ عمل، ہے عملِ جلیل…
بِن اس کے ہے یہ انساں ذلیل…!!!
==============================
(جویریات ادبیات)21 اپریل 2020
¤¤¤¤¤¤¤¤¤¤¤¤¤¤¤¤¤¤¤¤¤¤

جواب چھوڑیں

آپ کا ای میل ایڈریس شائع نہیں کیا جائے گا.