fbpx

قربانی کا گوشت غریبوں میں ضرور تقسیم کریں شاہدہ منی

گلوکارہ و اداکارہ شاہدہ منی کہتی ہیں کہ عید قرباں پر ہمیں ان لوگوں‌کو ضرور یاد رکھنا چاہیے جو سارا سال گوشت نہیں کھا سکتے. اپنے عزیز و اقارب رشتہ دار سب کو یاد رکھیں لیکن ان کو نہ بھولیں جو صرف دکانوں پر ہی گوشت پڑا ہوا دیکھ سکتے ہیں. قربانی اللہ تعالیٰ کے لئے ہے اور میری دعا ہے کہ جو بھی لوگ قربانی کر رہے ہیں اللہ تعالیٰ ان کی اس کاوش کو قبول فرمائے ۔ قربانی میں خدا کی ذات ہمارے اخلاص اور نیت کو دیکھتی ہے اس لئے دل میں کبھی دکھاوے کا خیال نہ آنے دیں۔شاہدہ منی نے اپنے ایک حالیہ انٹرویو میں قربانی کے حوالے سے بات کرتے ہوئے کہا کہ اللہ تعالی نیتوں کو دیکھتا ہے

کبھی اس میں دکھاوے والی چیز نہیں‌ہونی چاہیے. صاھب استطاعت لوگوں کو چاہیے کہ اس موقع پر اپنے اردگر نظر رکھیں کہ کون کون مستحق ہے باقاعدہ پیکٹ بنا کر انہیں دیں تاکہ وہ کچھ نہیں تو ایک وقت تو اپنے بچوں کو پکا کر کھلا سکیں.اگر آپ کے اردگرد آپ کو کوئی نظر نہیں آرہا جو مستحق ہے تو کوئی ایسی بستی دیکھیں جہاں غریب مقیم ہیں ان میں جا کر گوشت تقسیم کریں. عید قرباں ہمیں‌جو سبق دیتی ہے ہمیں اس پہ بھی غور کرنا چاہیے.شاہدہ منی نے مزید کہا کہ ہمارے گھروں میں اس چیز کا خاص خیال رکھا جاتا ہےکہ کوئی غریب ہمارے دروازے پر اگر آئے تو خالی ہاتھ نہ جائے.