fbpx

بھارت:قوتِ گویائی سے محروم چیمپئن نے حکومتی وعدوں کو بے نقاب کردیا

ہریانہ:قوتِ گویائی سے محروم چیمپئن نے بھارت کی ریاستی حکومت کے وعدوں کو بے نقاب کردیا-

باغی ٹی وی :بھارتی میڈیا رپورٹ کے مطابق ریاست پنجاب سے تعلق رکھنے والی قوتِ گویائی سے محروم اور 7 بار شطرنج کی نیشنل چیمپئن کی فاتح کھلاڑی ملائیکہ ہنڈا نے سماجی رابطے کی ویب سائٹ ٹویٹر پر اپنی ویڈیو شیئر کی، جس میں وہ اشاروں کی زبان میں وزیر کھیل کے خلاف احتجاج ریکارڈ کرا رہی اور حکومتی وعدوں کو بے نقاب کررہی ہیں۔

بھارت کو ہندو راشٹر بنانے کیلئے لڑو،مرو اور مارو، سکول میں طلب سے حلف


ملائیکہ نے اس ویڈیو کو سمجھانے کے لیے ساتھ میں تحریری پیغام بھی جاری کیا جس میں انہوں نے لکھا کہ میری31 دسمبر کو ریاستی وزیر کھیل پرجات سنگھ سے ملاقات ہوئی جنہوں نے مجھے سرکاری ملازمت اور نقد انعام دینے کا اعلان کیا تھا۔

انہوں نے ویڈیو میں اپنے میڈلز، شیلڈز دکھاتے ہوئے کہا کہ حکومت نے قوت گویائی اور قوت سماعت سے محروم افراد کی فلاح و بہبود کے لیے کوئی پالیسی نہیں بنائی، اس وجہ سے ہمیں ہمیشہ سے نظر انداز کیا جارہا ہے۔

بھارتی جیل میں مسلم جوڑے پر بیہمانہ تشدد

ملائیکہ کے مطابق اس سے قبل عہدہ سنبھالنے والے سابق وزیر کھیل نے انہیں انعامات دینے کے لیے ایک تقریب کے انعقاد کا اعلان کیا تھا، جس کا دعوت نامہ بھی موصول ہوا مگر کورونا صورت حال کی وجہ سے پروگرام ملتوی ہوگیا۔


انہوں نے لکھا کہ میں نے پروگرام کے حوالے سے جب پرجات سنگھ کو آگاہ کیا تو انہوں نے مجھے سرکاری نوکری اور نقد انعام دینے کا وعدہ تو کیا مگر پھر کوئی رابطہ نہیں کیا ملائیکہ نے وزیر کو یاد دہانی کراتے ہوئے پوچھا کہ آپ کا وہ وعدہ اور اعلان کہاں گیا۔؟

ملائیکہ نے بتایا کہ اس سے قبل کانگریس حکومت نے مجھے 5 سال تک پاگل بنائے رکھا، مقامی قیادت نے ہر قسم کے تعاون اور مدد کے لیے کیے گئے وعدے کیے جو آج تک وفا نہیں ہوسکے۔

بچے کی پیدائش کی خوشی میں ہوائی فائرنگ سے 12 سالہ لڑکی جاں بحق

Facebook Notice for EU! You need to login to view and post FB Comments!