کورونا لاک ڈاؤن ختم راحت فتح علی خان نے کنسرٹ کا آغاز کر دیا

پاکستان میوزک انڈسٹری کے عالمی شہرت یافتہ گلوکاراستاد راحت فتح علی خان نے لاک ڈاؤن ختم ہونے کے بعد اسلام آباد سے اپنے کنسرٹ کا آغاز کر دیا ہے۔

باغی ٹی وی : استاد راحت فتح علی خان نے کورونا وبا کے پیش نظر لگائے گئے لاک ڈاؤں کے خاتمے کے بعد کنسرٹ کا آغاز کر دیا-اس حوالے سے عالمی شہرت یافتہ گلوکار کا کہنا تھا کہ انہوں نے 7 ماہ بعد اسلام آباد سے کنسرٹس کا آغاز کیا ہے۔


گلوکار نے کہا کہ اس دوران اپنے مداحوں کو سب سے زیادہ یاد کیا لیکن ان سے سوشل میڈیا کے ذریعے مسلسل رابطے میں رہا اور کچھ نئے رومانس سے بھرپور گیت بھی ریلیز کیے۔

اُن کا کہنا تھا کہ میرا نیا گانا غم عاشقی کا غیر معمولی رسپانس آیا سوشل میڈیا پر اس گانے نے ایک ارب ویوز کا ریکارڈ قائم کیا ہے ۔

استاد راحت فتح علی خان نے غم عاشقی کے بارے میں بات کرتے ہوئے مزید کہا کہ انٹرنیشل میوزک پروڈیوسر سلمان احمد نے غم عاشقی کو شاندار انداز میں پروڈیوس کیا وہ اس سے قبل ’محبت بھی ضروری تھی‘ ریلیز کر کر چکے ہیں۔

راحت فتح علای کا کہنا تھا کہ کورونا کے ساتھ گزارا وقت مشکل ترین وقت تھا اللہ تعالیٰ ساری دنیا کے انسانوں پر اپنا کرم کرے اور سب خوشیوں بھری زندگی بسر کریں۔

انہوں نے کہا کہ زندگی کو دوبارہ معمول پر آنا اچھا لگا ہے میری عوام سے عاجزانہ درخواست ، براہ کرم محتاط رہیں اور حفاظتی اقدامات اٹھائیں۔ کورونا وائرس ابھی بھی موجود ہے اور ہمیں تمام احتیاطی تدابیر اپنانی چاہیئں-

سجاد علی نے اپنے گانے نہ بولوں کی یاد تازہ کر دی

فلک شبیر اہلیہ سارہ خان کی محبت میں فوٹوگرافر بن گئے

جواب چھوڑیں

آپ کا ای میل ایڈریس شائع نہیں کیا جائے گا.