راحت فتح علی خان کا نصرت فتح علی خان کو منفرد انداز میں خراج تحسین

0
23

پاکستان میوزک انڈسٹری کےعالمی شہرت یافتہ گلوکار راحت فتح علی خان نے اپنے چچا استاد نصرت فتح علی خان کو منفرد انداز میں خراج تحسین پیش کیا ہے-

باغی ٹی وی :یوں تو راحت فتح علی خان اپنے کنسرٹس اور محافل موسیقی کی تقریبات میں نصرت فتح علی خان کی قوالیاں شائقین کے لئے پئش کرتے رہتے ہیں تاہم اب انہوں نے اپنے استاد کی مشہور قوالی کو نئے انداز میں پیش کیا جس نے سننے والوں کو مبہوت کردیا۔

راحت فتح علی خان نے اپنے چچا اور عالمی شہرت یافتہ گلوکار نصرت فتح علی خان کی مشہور قوالی ’سانسوں کی مالا‘ کو اپنے انداز میں ریلیز کردیا ۔

انہوں نے اپنے اس نئے ٹریک کے حوالے سے کہا کہ میں یہ قوالی اپنے استاد نصرت فتح علی خان اور اپنے والد استاد فرخ فتح علی خان کے نام کرتا ہوں۔

سانسوں کی مالا ایک صوفی ٹریک ہے جو سن 1979 میں استاد نصرت فتح خان نے گایا تھا-

راحت فتح خان نے ایک بیان میں کہا کہ یہ قوالی میرے دل کے بہت قریب ہے اور اس قوالی کو نئے انداز میں پیش کرنے کا آئیڈیا گٹارسٹ سلمان احمد نے دیا تھا۔

انہوں نے کہا کہ میں آج جو کچھ بھی جو بھی پرفارم کرتا ہوں وہ میرے استاد نصرت فتح علی خان کا سکھایا ہوا ہے انہوں نے مزید کہا کہ اس قوالی کی ویڈیو منفرد ہے۔

ویڈیو کی شوٹنگ پاکستان میں کی گئی ہے اور اس میں راحت فتح علی خان ایک جگہ موجود ہیں نصرت فتح علی خان کی یادگار تصاویر نمایاں ہیں۔

راحت فتح علی خان کے اس نئے کلام کی ویڈیو کو اب تک 36 لاکھ اور 92 ہزارسے زائد لوگ دیکھ چکے ہیں -اور اس گانے کو شائقین کی جانب سے بے حد پسند کیا جا رہا ہے اور اپنے پسندیدہ گلوکار کی گائی گئی وقالی کو دوبارہ منفرد انداز میں سُن کر بھر پور خوشی کا اظہار کر رہے ہیں-

ایک صارف نے لکھا کہ اس گانے نے میری زندگی بدل دی ہے-ایک صارف نے لکھا کہ بہت ہی خوبصورت خراج تحسین ہے ایک صارف نے اس ورژن کو سراہتے ہوئے ہمیشہ کے لئے پسندیدہ قرار دیا-ایک صارف نے لکھا کہ بہت دن بعد اچھا میوزک سننے کو مل رہا ہے-

Leave a reply