fbpx

رحیم اللہ یوسف زئی کی وفات سے صحافت کا ایک عہد ختم ہوگیا‘:اللہ جنت الفردوس عطافرمائے:آرمی چیف

اسلام آباد: عرحیم اللہ یوسف زئی کی وفات سے صحافت کا ایک عہد ختم ہوگیا‘:اللہ جنت الفردوس عطافرمائے:آرمی چیف ، وزیراعظم عمران خان کی طرف سے اظہارتعزیت اور ان کی خدمات کو خراج تحسین ،

اطلاعات کے مطابق علمی شہرت کے حامل پاکستانی صحافی اور سینئر تجزیہ نگار رحیم اللہ یوسف زئی 67 برس کی عمر میں انتقال کرگئے، پاک فوج کے سربراہ آرمی چیف نے افغان امور کے ماہر تجزیہ نگار رحیم اللہ یوسف زئی کے انتقال پر افسوس کا اظہار کیا ہے۔

 

پاک فوج کے سربراہ آرمی چیف جنرل قمرجاوید باجوہ نے خاندان سے اظہارتعزیت کرتے ہوئے کہا کہ وہ ایک اچھے اورنیگ انسان تھے ، ان کی وفات جہاں خاندان کے لیے بہت زیادہ غم چھوڑ کرگئی ہے وہاں‌ان کی وفات ان کے چاہنے والوں کو بھی غمگین کرگئی ہے،

جنرل قمرجاوید باجوہ نے کہا کہ اب وہ اگلے سفرپرروانہ ہوچکے ہیں ، دعا ہے کہ اللہ تعالیٰ ان کے لواحقین کوصبرجمیل عطافرمائے اوررحیم اللہ یوسف زئی کے صغیرہ کبیرہ گناہ معاف کرکے جنت الفردوس میں داخل فرمائین‌

ادھر دوسری طرف وزیراعظم عمران خان نے سینئر صحافی کے انتقال پر افسوس کا اظہار کرتے ہوئے کہا کہ ’رحیم اللہ یوسف زئی پاکستان کے معزز ترین صحافیوں میں سے ایک تھے، وہ اچھے رائےساز تھے جو اپنی تحقیق مکمل کرنے کے بعد تجزیہ لکھتے تھے‘۔

 

 

وزیراعظم عمران خان نے رحیم اللہ یوسف زئی کے اہل خانہ سے تعزیت اور مرحوم کی مغفرت کے لیے دعا بھی کی۔

وفاقی وزیر اطلاعات و نشریات فواد چوہدری نے رحیم اللہ یوسف زئی کے انتقال پر افسوس کا اظہار کرتے ہوئے کہا کہ ’آج صحافت کا ایک عہد ختم ہوگیا ہے‘۔

 

فواد چوہدری نے کہا کہ ’افغانستان اور ہمارے سرحدی علاقوں کے معاملات پر رحیم اللہ یوسف زئی کی جو گرفت تھی وہ شائد ہی کسی اور کا خاصہ بن سکے‘۔ وفاقی وزیر نے دعا کی کہ خدا انہیں کروٹ کروٹ جنت نصیب کرے اور پسماندگان کو صبر دے۔

 

 

ذرائع کے مطابق گزشتہ کئی روز سے علیل سینئر رحیم اللہ یوسف زئی انتقال کرگئے۔ اہل خانہ کے مطابق اُن کا نماز جنازہ کل گیارہ بجے مردان کاٹلنگ انذرگئی نزد سوات ایکسپریس وے کاٹلنگ انٹرچینج خان ضمیر بانڈہ میں ادا کی جائے گی۔