راہزنی کے مقدمہ میں مطلوب اشتہاری گرفتار، چھینا گیا مال مسروقہ موبائل فون ونقدی برآمد

0
25

سرگودھا:تھانہ بھاگٹانوالہ پولیس کی کاروائی، راہزنی کے مقدمہ میں مطلوب اشتہاری گرفتار، چھینا گیا مال مسروقہ موبائل فون ونقدی برآمد کر لیے گئے ، تفصیلات کے مطابق ڈسٹرکٹ پولیس آفیسر ذوالفقاراحمد کی ہدایت پرسنگین مقدمات میں مطلوب اشتہاری مجرمان کے خلاف کاروائی کرتے ہوئے ایس ایچ او تھانہ بھاگٹانوالہ انسپکٹر عارف جاوید نے سب انسپکٹر محمد اکرم ودیگر ملازمان پر مشتمل ٹیم کے ہمراہ ریڈ کرکے پانچ سال سے راہزنی کے مقدمہ میں مطلوب اشتہاری مجرم عمران ولد باطی کو گرفتارکرلیا ہے

گرفتاراشتہاری مجرم نے سال2016کو اپنے دیگر دوساتھیوں کے ساتھ ملکر اسلحہ کے زورپر واردات کی تھی اور موبائل فون ونقدی چھین کر فرار ہوگئے تھے۔ ایس ایچ او تھانہ بھاگٹانوالہ اور انکی ٹیم نے جدید وروائتی طریقہ کارتفتیش کا اپناتے ہوئے اشتہاری مجرم کو گرفتارکرلیا ہے قبل ازیں اسکے دونوں ساتھیوں صفدر حسین اور فرحت عباس کو گرفتارکرکے حوالات جوڈیشل بھجوایا جاچکا ہے مزید تفتیش جاری ہے۔

Leave a reply