استحکامِ پاکستان کا دارومدار عمل پر منحصر ہے ہمیں گفتار کے بجائے کردار کا غازی بننا چاہئے، راجہ عبدالوہاب

سرگودھا۔ 16 اگست (اے پی پی) استحکامِ پاکستان کا دارومدار عمل پر منحصر ہے ہمیں گفتار کے بجائے کردار کا غازی بننا چاہئے۔قائداعظم محمد علی جناحؒ نے کردار کے بل بوتے پر ایک آزاد اور خود مختار مملکت کا خواب پورا کر دکھایا۔ ان خیالات کا اظہار پاکستان تحریک انصاف سپورٹس اینڈ کلچر فیڈریشن ضلع سرگودھا کے صدر راجہ عبدالوہاب نے صحافیوں سے بات چیت کرتے ہوئے کیا۔ انہوں نے کہا کہ بھارت کی اشتعال انگیزیوں کے پیش نظر پوری قوم نے جشنِ آزادی کے موقع پر ملّی یکجہتی کا مظاہرہ کیا۔ پاکستان عطیہئ خداوندی ہے۔ پوری قوم کو یکجا ہو کر دشمن کے خلاف صف آراء ہوجانا چاہیے۔ راجہ عبدالوہاب نے کہا کہ آج ہمیں اپنے ذاتی مفادات، قومی مفادات پر قربان کرنے ہوں گے۔ ہمیں اس بات کا ادراک کرنا چاہیے کہ پاکستان ہماری پہچان ہے اور ہمیں اپنی پہچان کا تحفظ کرنا چاہیے۔ ہماری تمام تر شناخت پاکستان سے وابستہ ہے۔

جواب چھوڑیں

آپ کا ای میل ایڈریس شائع نہیں کیا جائے گا.