قدرتی ٹیلنٹ کی وجہ سے پاکستان نے کھیلوں کے میدان میں اپنا لوہا منوایا ہے، راجہ عبدالوہاب

سرگودھا۔24جولائی(اے پی پی) قدرتی ٹیلنٹ کی وجہ سے پاکستان نے کھیلوں کے میدان میں اپنا لوہا منوایا ہے۔ قومی کھیل ہاکی‘ کرکٹ‘ فٹبال‘ سنوکر سمیت دیگر کھیلوں کے فروغ کیلئے بھی مزید اقدامات کئے جارہے ہیں۔ان خیالات کا اظہار پاکستان تحریک انصاف سپورٹس اینڈ کلچر فیڈریشن ضلع سرگودھا کے صدر راجہ عبدالوہاب نے صحافیوں سے بات چیت کرتے ہوئے کیا۔ انہوں نے کہا کہ حکومت چاہتی ہے کہ نوجوان نسل موبائل فون سے نکل کے کھیلوں کے میدان کی طرف آئے اور اس کیلئے حکومت بچوں کی دلچسپی کیلئے گراؤنڈز میں مختلف اقدامات کررہی ہے تاکہ بچے زیادہ سے زیادہ کھیلوں کی طرف راغب ہوں۔ راجہ عبدالوہاب نے مزید کہا کہ گراؤنڈ آباد ہونے سے عوام کو صحت مندانہ سرگرمیوں جاری رکھنے میں مدد ملے گی۔