وزیر اعظم آزاد کشمیر راجہ فاروق حیدر کی کنٹرول لائن پر بھارتی فائرنگ کی مذمت

وزیراعظم آذادکشمیر کی طرف سے آزادکشمیر کے مختلف علاقوں میں ہندوستانی فوج کی جانب سے سویلین آبادی پر گولہ باری کی شدید الفاظ میں مذمت کی گئی ہے،

باغی ٹی وی کی رپورٹ کے مطابق وزیراعظم آزادکشمیر نے امدادی اداروں کو کسی بھی ہنگامی صورتحال سے نمٹنے کے لیے تیار رہنے کا حکم دیا ہے اور کہا ہے کہ ہندوستانی فوج نہتے شہریوں اور ان کی املاک پر گولہ باری کر کہ خوف وہراس پھیلانا چاہتی ہے، ہندوستانی فوج کے حربے سے آزادکشمیر کے باسی ڈرنے والے نہیں ہیں، ہندوستانی بزدل فوج صرف بچوں،عورتوں،بزرگوں کو نشانہ بنا سکتی ہے پاک فوج کے ساتھ لڑنے کی صلاحیت نہیں ہے،

وزیر اعظم آزادکشمیر نے کہاکہ آزاد کشمیر کی حکومت اور انتظامیہ بیدار ہے ہمیں مسلح افواج پاکستان پر مکمل اعتماد ہے، پاک فوج کبھی نہتے شہریوں پر گولہ باری نہیں کرتی، پاک فوج کی موجودگی میں کشمیریوں کو پریشان ہونے کی کوئی ضرورت نہیں ہے،

جواب چھوڑیں

آپ کا ای میل ایڈریس شائع نہیں کیا جائے گا.