سپیکر قومی اسمبلی کامتحدہ عرب امارات کے سفارتخانہ کا دورہ

باغی ٹی وی کی رپورٹ کے مطابق سپیکر قومی اسمبلی راجہ پرویز اشرف نےمتحدہ عرب امارات کے سفارتخانہ کا دورہ کیا

شیخ خلیفہ بن زید النہیان کے انتقال پر سفیر حماد عبید ابراہیم سالم الزابی سے اظہار تعزیت اور فاتحہ خوانی کی، اسپیکر قومی اسمبلی راجہ پرویز اشرف کا کہنا تھا کہ پاکستان اور متحدہ عرب امارات کے مابین دوطرفہ تعلقات کو مضبوط بنانے میں شیخ خلیفہ بن زید النہیان کی گراں قدر خدمات کو سراہتے ہیں، شیخ خلیفہ بن زید النہیان کے انتقال سے پاکستان ایک مخلص دوست اور امت مسلمہ ایک عظیم رہنما سے محروم ہو گیا،مرحوم شیخ خلیفہ کی ملک و قوم کے لیے خدمات کو تاریخ میں ہمیشہ یاد رکھا جائے گا،پاکستان اور متحدہ عرب امارات کے مابین دہائیوں پر محیط دوطرفہ قریبی سیاسی اور سماجی تعلقات موجود ہیں،متحدہ عرب امارات میں مقیم پاکستانی اور پاکستان میں بسنے والے عوام متحدہ عرب امارات کو اپنا دوسرا گھر سمجھتے ہیں،پاکستانی عوام مشترکہ مذہب اور ثقافت کے لازوال رشتوں کی بدولت برادر ملک کے لیے بے پناہ محبت اور پیار کا جذبہ رکھتے ہیںپاکستان کی معیشت کو مستحکم بنانے اور دوطرفہ تعلقات کو مزید فروغ دینے میں متحدہ عرب امارات کی ہمیشہ حمایت حاصل رہی ہے،

اسپیکر قومی اسمبلی نے شیخ محمد بن زید النہیان کو متحدہ عرب امارات کے نئے صدر کی حیثیت سے ذمہ داریاں سنبھالنے پر نیک خواہشات کا اظہار کیا،عرب اماراتی سفیر کا کہنا تھا کہ پاکستان کے عرب امارات کے ساتھ گہرے تعلقات مشترکہ مذہب، تاریخ اور ثقافت کے لازوال رشتوں میں بندھے ہوئے ہیں، عرب امارات، پاکستان کے ساتھ دوطرفہ دوستی، محب اور اعتماد کے رشتے کو مزید مضبوط بنانے میں اپنا کردار ادا کرتا رہے گا،اسپیکر قومی اسمبلی نے سفارتخانے میں رکھی گئی تعزیتی کتاب میں اپنے تاثرات بھی قلم بند کیے۔

متحدہ عرب امارات کے صدرشیخ خلیفہ بن زاید النہیان کی تدفین کردی گئی

متحدہ عرب امارات کے صدر کی وفات پر وزیراعظم ,آرمی چیف, وزیر خارجہ کا اظہار افسوس