رمضان المبارک سے قبل گوشت، دودھ، دہی کی قیمتوں میں اضافہ

رمضان المبارک سے قبل گوشت اور دودھ کی قیمتوں میں اضافہ کر دیا گیا

باغی ٹی وی کی رپورٹ کے مطابق بلوچستان کے صوبائی دارالحکومت کوئٹہ میں دودھ اور گوشت کی قیمتوں میں اضافہ کر دیا گیا. قصابوں نے بکرے کے گوشت میں 250 روپے اور گائے کے گوشت میں 20روپے فی کلو اضافہ کر دیا ،دودھ اور دہی کی قیمتوں میں بھی پندرہ سے بیس روپے کا اضافہ کیا گیا ہے. کوئٹہ میں حکومت کی جانب سے بکرےکےگوشت کی سرکاری قیمت 650روپےمقرر کی گئی ہے لیکن قصابوں کی جانب سے بکرے کا گوشت 900 رپے کلو فروخت کیا جا رہا ہے. گائے کے گوشت کی قیمت 360 سے 400 تک مقرر ہے لیکن وہ بھی مہنگا فروخت کیا جا رہا ہے .دودھ اوردہی کی سرکاری قیمتوں پربھی عملدرآمد نہیں ہورہا، دودھ کی مقررہ قیمت 95کی بجائے110سے115روپےفی کلومیں فروخت اوردہی کی مقررہ قیمت 100روپے کی بجائے120روپے فی کلو میں فروخت جاری ہے . عوامی حلقوں نے گوشت اور دودھ دہی کی قیمتوں میں من مانے اضافے کے خلاف احتجاج کرتے ہوئے مطالبہ کیا ہے کہ گوشت اور ددود دہی مقررہ نرخوں پر ہی فروخت کروانے کے لئے حکومت نوٹس لے.

جواب چھوڑیں

آپ کا ای میل ایڈریس شائع نہیں کیا جائے گا.