پاکستان میں آج رمضان المبارک کا چاند نظرنہیں آیا توپھرکب آئے گا ، مرکزی رویت ہلال کمیٹی نے بتادیا

کراچی:پاکستان میں آج رمضان المبارک کا چاند نظرنہیں آیا توپھرکب آئے گا ، مرکزی رویت ہلال کمیٹی نے بتادیا ،اطلاعات کےمطابق رمضان المبارک کا چاند دیکھنے کیلئے مرکزی و زونل رویت ہلال کمیٹیوں کے اجلاس جاری ہیں۔ادھراطلاعات کےمطابق میٹ آفس کراچی میں ہونے والے مرکزی اجلاس کی صدارت چیئرمین مرکزی رویت ہلال کمیٹی مفتی منیب الرحمن کر رہے ہیں جس میں زونل کمیٹیوں کے ارکان بھی شریک ہیں۔

ذرائع کا کہنا ہےکہ پنجاب میں زونل رویت ہلال کمیٹی نے اعلان کردیا ہے کہ صوبے میں کہیں بھی رمضان المبارک کا چاند نظر نہیں آیا اور اس فیصلے سے مرکزی رویت ہلال کمیٹی کو بھی آگاہ کردیا گیا ہے جو حتمی اعلان کرے گی۔اجلاس میں محکمہ موسمیات کے ماہرین اور پہلی بار وزارت سائنس اور ٹیکنالوجی کا نمائندہ بھی شامل ہے۔

خیال رہے کہ گزشترہ روز وزارت سائنس و ٹیکنالوجی نے کہا تھا کہ خیبر پختونخوا میں رمضان کا چاند 23 اپریل کو نظر آنے کا امکان نہیں ہے جبکہ محکمہ موسمیات کا بھی کہنا ہے کہ 23 اپریل کو چاند نظر آنے کے امکانات کم ہیں۔وزارتِ سائنس و ٹیکنالوجی کے مطابق آج غروب آفتاب کے وقت چاند کی عمر بارہ گھنٹے سے بھی کم ہوگی جس کے باعث چاند نظر نہیں آسکے گا۔

دوسری جانب سعودی عرب سمیت کئی اسلامی ممالک میں بھی رمضان المبارک کا چاند دیکھنے کیلئے بھی آج اجلاس ہوں گے۔ امریکا اور کینیڈا کی کلینڈر پر عمل کرنے والی مسلم تنظیموں نے جمعے کوپہلے روزے کا اعلان کیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.