fbpx

رمضان المبارک میں منشا پاشا کے والد کی یاد میں بنائی گئی مسجد کی تعمیر مکمل

کراچی: رمضان المبارک کے مقدس مہینے میں اداکارہ منشا پاشا اور ان کے گھروالوں کی جانب سے ان کے مرحوم والد کی یاد میں بنائی جانے والی مسجد کی تعمیر مکمل ہوگئی جس پر منشا پاشا نے مسرت کا اظہار کیا ہے۔

اداکارہ منشا پاشا نے گزشتہ روز انسٹاگرام پر اپنے مرحوم والد ڈاکٹر طارق پاشا میمن کی یاد میں تعمیر کی گئی مسجد کی تصاویر اور ویڈیو شیئر کرتے ہوئے لکھا رمضان المبارک کے مقدس مہینے میں ہم اپنے والد کی محبت بھری یاد میں کراچی سے تقریباً 4 گھنٹے کے فاصلے پر ایک قریبی گاؤں میں ایک مسجد مکمل کرنے میں کامیاب ہوئے۔

پوسٹ کے آخر میں منشا پاشا نے تمام لوگوں سے درخواست کی براہ مہربانی میرے والد کے لیے دعا کریں کہ خدا انہیں جنت الفردوس میں اعلیٰ مقام عطا کرے۔