مسلم لیگ ن کے رہنما رانا افضل کی نیب پیشی سے معذرت

مسلم لیگ ن کے رہنما رانا افضل نے آج نیب میں پیش ہونے سے معذرت کر لی

باغی ٹی وی کی رپورٹ کے مطابق رانا افضل نے ڈی جی نیب کے نام خط میں لکھا کہ وہ بیرون ملک ہیں اس لئے نیب میں پیش نہیں ہو سکتے. رانا افضل نے ڈی جی نیب سے درخواست کی کہ 28 مئی کے بعد پیشی کی تاریخ دیں .

واضح رہے کہ نیب لاہور نے فیصل آباد سے مسلم لیگ ن کے رہنما رانا افضل کو طلب کیا ہے. نیب نے رانا افضل کو 16 مئی کو طلب کرتے ہوئے کہا کہ تین بجے نیب میں حاضر ہوں، رانا افضل کو ساحل پرائیویٹ لمیٹڈ کی جاری انکوائری میں طلب کیا گیا ہے، رانا افضل سابق وزیرمملکت برائےخزانہ رہ چکے ہیں. انہیں نواز شریف کا قریبی دوست سمجھا جاتا ہے .

جواب چھوڑیں

آپ کا ای میل ایڈریس شائع نہیں کیا جائے گا.