فیصل آباد، رانا ثناء اللہ کی گرفتاری کیخلاف احتجاج کرنے والے درجنوں مظاہرین گرفتار

فیصل آباد میں مسلم لیگ ن کے رہنما رانا ثناءاللہ کے گھر کے باہر احتجاج کرنے والے مظاہرین کو گرفتار کر لیا گیا ہے.

رانا ثناء اللہ کو گرفتار کر لیا گیا، گاڑی سے بھاری مقدار میں منشیات برآمد کرنے کا دعویٰ

باغی ٹی وی کی رپورٹ‌ کے مطابق فیصل آباد پولیس کی جانب سے 30 کے قریب کارکنان کو گرفتار کیا گیا ہے. یہ سبھی لوگ رانا ثناء اللہ کی رہائش گاہ کے باہر جمع ہو کر ان کی گرفتاری کے خلاف احتجاج کر رہے تھے جبکہ اس دوران حکومت کے خلاف بھی نعرے بازی کی جارہی تھی.

پولیس کی جانب سے رانا ثناء اللہ کے سیکرٹری رانا جانباز کو بھی حراست میں لے لیا گیا ہے. واضح رہے کہ رانا ثناء اللہ کی آج گرفتاری اینٹی نارکوٹکس فورس (اے این ایف) کی جانب سے منشیات فروشوں سے تعلق کے الزام میں کی گئی ہے۔ اے این ایف ذرائع کا کہنا ہے کہ رکن قومی اسمبلی رانا ثناءاللہ خان کے متعدد منشیات فروشوں سے تعلقات ہیں جبکہ اسی طرح ان کے کالعدم تنظیموں سے بھی مبینہ طور پر رابطے ہیں جس کے باعث انہیں تحویل میں لے لیا گیا ہے۔ سابق صوبائی وزیرقانون رانا ثناء اللہ کا نام سانحہ ماڈل ٹاؤن کے مرکزی ملزمان کے طور پر بھی لیا جاتا ہے تاہم ابھی تک ان کی گرفتاری کی وجوہات میں سے بڑی منشیات فروشوں‌ سے مبینہ تعلق بتایا جاتا ہے. مسلم لیگ ن کے ذرائع نے بھی رانا ثناء اللہ کی گرفتاری کی تصدیق کر دی ہے.

جواب چھوڑیں

آپ کا ای میل ایڈریس شائع نہیں کیا جائے گا.