سابق وزیر داخلہ رانا ثناء اللّٰہ وزیراعظم شہباز شریف کا مشیر برائے سیاسی امور مقرر

پی ایم ایل این کی جانب سے اپنے قریبی لوگوں کو نوازنے کا سلسلہ جاری ہے ، مسلم لیگ (ن) پنجاب کے صدر اور سابق وزیر داخلہ رانا ثناء اللّٰہ کو وزیراعظم شہباز شریف کا مشیر برائے سیاسی امور مقرر کرنے کا فیصلہ کرلیا گیا۔ن لیگی قیادت نے الیکشن 2024ء میں اپنی نشست پر کامیاب نہ ہونے والے رانا ثناء کو شہباز شریف کی ٹیم کا حصہ بنانے کا فیصلہ کیا ہے۔ذرائع کے مطابق رانا ثناء کی تقرری سے متعلق ایڈوائس صدر مملکت آصف علی زرداری کو بھیج دی گئی ہے۔رانا ثناء اللّٰہ نے گزشتہ روز ایک ٹی وی پروگرام میں گفتگو کے دوران کہا تھا کہ خود مجھے وزارت دینے کا معاملہ فی الحال نواز شریف کے پاس ہے، وہ اس پر جو چاہیں فیصلہ کریں گے۔