گرینڈ ہیلتھ الائنس دھرنا،رات گئے پولیس کا ایکشن،مال روڈ کلیئر

لاہور:مال روڈ پر رات گئے گرینڈ ہیلتھ الائنس دھرنے کے شرکا پر پولیس کا ایکشن سامنے آیا ہے

پولیس کی بھاری نفری نے لیڈیز پولیس کے ساتھ رات گئے مال روڈ پر آپریشن کلین اپ کردیا ،مال روڈ پر دھرنا دینے والے مردوں اور خواتین کو حراست میں لے لیا گیا ،آپریشن میں پولیس کی بھاری نفری نے حصہ لیا،3 پریزن وین بھی بلوائی گئیں ،مال روڈ پر آپریشن کرکے مظاہرین کے زیر استعمال کافی حصے کو خالی کرا لیا گیا،پولیس کی جانب سے مال روڈ پر گرینڈ ہیلتھ الائنس کے شرکا کی جانب سے لگائے گئے ٹینٹ بھی اکھاڑ دئیے گئے،رات گئے پولیس نے آپریشن کرکے مال روڈ کو کلیئر کردیا،گرینڈ ہیلتھ الائنس نے دعویٰ کیا ہے کہ پولیس نے ہمارے 52 سے زائد خواتین اور 25 سے زائد مرد حضرات کو گرفتار کیا ہے ،گرینڈ ہیلتھ الائنس کی جانب سے آج پورے پنجاب میں احتجاج کی کال بھی دی گئی ہیں