راولپنڈی: روات کے کنواں میں زہریلی گیس سے پانچ افراد جاں بحق

راولپنڈی کے نواحی علاقے روات میں ایک کنویں میں زہریلی گیس کے باعث پانچ افراد جاں بحق ہوگئے جب کہ 3 افراد کو  بچالیا گیا ہے.

جیو نیوز کے مطابق: یہ واقعہ راولپنڈی کے نواحی علاقے روات میں پیش آیا، جہاں کنویں میں زہریلی گیس کے باعث دم گھٹنے سے 5 افراد جاں بحق ہوگئے۔
پولیس کے مطابق کنویں میں اترنے والا ایک شخص زہریلی گیس کے باعث بے ہوش ہوا، جسے نکالنےکیلئے بار ی باری7 افراد کنویں میں اترے ، ان میں سے 5 افراد جاں بحق ہوگئے جب کہ 3 کو بچالیا گیا۔

پولیس کا کہنا ہےکہ اطلاع ملتے ہی اہلکار موقع پر پہنچ گئے تھے، ریسکیو ٹیم کی جانب سے آپریشن کرکے لاشیں نکال لی گئیں جب کہ  تین افراد کو زندہ نکال لیاگیا۔