راولپنڈی بحریہ ٹاؤن میں چھوٹا تربیتی طیارہ گرکر تباہ, 10 افراد شہید

راولپنڈی:رات گئے افسوس ناک حادثہ پیش آگیا, راولپنڈی کے علاقے بحریہ ٹاؤن فیز 7 رابی سینٹر کے قریب تربیتی طیارہ آبادی پر گر کر تباہ ہوگیا، جس کے نتیجے میں دو پائلٹس سمیت 12 افراد شہید اور 12 افراد زخمی ہو گئے۔ریسکیو ذرائع کے مطابق حادثے میں شہید 4 افراد کی لاشیں ڈی ایچ کیو اسپتال پہنچا دی گئیں۔ڈسٹرکٹ ہیلتھ افسر ڈاکٹر عبدالرحمن نے 12 افراد کے شہید ہونے کی تصدیق کی ہے جبکہ ملبے میں دبے تمام افراد کو نکال لیا گیا ہے۔باغی ٹی وی کی تفصیلات کے مطابق راولپنڈی کے تینوں بڑے اسپتالوں میں ایمرجنسی نافذ کردی گئی ہے۔ ریسکیو ذرائع کا کہنا ہے کہ طیارہ گرنے سے 4 سے 5 گھروں میں لگی آگ پر قابو پالیا گیا جبکہ کولنگ کا عمل جاری ہے۔ذرائع کے مطابق ریسکیو 1122 کی ٹیمیں امدادی کارروائیوں میں مصروف ہیں۔

جواب چھوڑیں

آپ کا ای میل ایڈریس شائع نہیں کیا جائے گا.