مصری جنرل محمد احمد کا اہم ترین دورہ پاکستان ، چیئرمین جوائنٹ چیفس کمیٹی جنرل ندیم رضا سے اہم ملاقات

راولپنڈی:مصری جنرل محمد احمد کا اہم ترین دورہ پاکستان ، چیئرمین جوائنٹ چیفس کمیٹی جنرل ندیم رضا سے اہم ملاقات ،اطلاعات کےمطابق ایک طرف پاک فوج کے سربراہ چار روزہ غیرملکی دورے پراس وقت ملک سے باہرہیں تو دوسری طرف اس وقت مصری جنرل محمد احمد ذکی پاکستان کے اہم ترین دورے پرہیں اوراس وقت جنرل ندیم رضا سے اہم معاملات طئے کیئے جارہے ہیں

باغی ٹی وی کے مطابق آج مصری جنرل سرکاری دورے پر پاکستان میں ہیں اورچیئرمین جوائنٹ چیفس آف کمیٹی کے ہیڈ کوارٹرمیں چیئرمین جنرل ندیم رضاسے ملاقات کرچکے ہیں‌،اس اہم ملاقات کے دوران دوطرفہ برادرانہ تعلقات کو مزید مستحکم کرنے کے لیے کھل کربات ہوئی ،

جنرل ندیم رضا سے ملاقات کے دوران پاکستان اورمصر کے درمیان فوجی تعلقات پر بھی بات چیت ہوئی ، جس میں سیکورٹی ، دہشت گردی اور خطے کی مجموعی صورت حال پر بھی بات چیت ہوئی ،

اس اہم ملاقات میں جنرل محمد احمد ذکی نے پاک فوج کی پیشہ وارانہ صلاحیتوں کا کھل کراعتراف کیا اوردہشت گردی کے خلاف پاک فوج کی قربانیوں کوسلام پیش کرتے ہوئے خراج تحسین پیش کیا ،مصری جنرل محمد احمد آج صبح جوائنٹ سٹاف ہیڈکوارٹر پہنچے جہاں ان کا پرتپاق استقبال کیا گیا