راولپنڈی:4 مریضوں میں اومی کرون کی تصدیق

0
27

اسلام‌آباد کے جڑواں شہرراولپنڈی میں بھی عالمی وبا کورونا وائرس کی نئی قسم اومی کرون کے 4 مریض سامنے آ گئے۔

باغی ٹی وی : ڈی ایچ او راولپنڈی نے اومی کرون مریضوں کی تصدیق کرتے ہوئے بتایا ہے کہ ایک مریض کا تعلق راول ٹاؤن، ایک کا کینٹ جب کہ 2 پوٹھوار کے علاقے سے ہیں انہوں نے بتایا کہ مریضوں کی کوئی ٹریول ہسٹری سامنے نہیں آئی۔ چاروں مریض صحت مند ہیں۔

کرونا کی پانچویں لہر، این سی او سی اجلاس میں بڑے فیصلے

واضح رہے کہ دنیا بھر میں کورونا کیسز کی تعداد 29 کروڑ سے بڑھ گئی ایک دن میں کورونا کے5 لاکھ 47 ہزار نئے کیسز رپورٹ ہوئے ،برطانیہ میں ایک دن کے دوران ایک لاکھ37 ہزار کیسز رپورٹ ہوئے،فرانس میں 58 ہزار،ترکی میں 33 ہزار،اٹلی میں 61 ہزار،کینیڈا میں 34 ہزار نئے کیسز رپورٹ ہوئے،دنیا بھر میں کورونا سے ہونے والی اموات کی تعداد54 لاکھ59 ہزار سے زائد ہوگئی

مصباح الحق اور لیونل میسی بھی کورونا وائرس کا شکار

دوسری جانب جرمنی کے بحری جہاز میں کورونا پھیل گیا،بحری جہاز کو پرتگال کے ساحل پر روک دیا گیا،بحری جہاز میں سوار 3 ہزار کے قریب سیاح پھنس گئے، بحری جہاز میں موجود عملے کے19 ارکان سمیت 52 افراد میں کورونا کی تصدیق ہوئی سیاح سال نو کا جشن منانے جزیرے پر جارہے تھے،

این سی او سی کی جانب سے کرونا کے نئے اعدادوشمار جاری کئے گئے کہ گزشتہ 24 گھنٹے میں کورونا کے باعث 2 اموات رپورٹ ہوئی ہیں، گزشتہ 24 گھنٹے میں پاکستان میں مزید 708 کورونا کیسز رپورٹ ہوئے ہیں ،گزشتہ 24 گھنٹے میں45 ہزار 643 کورونا ٹیسٹ کیے گئے، گزشتہ 24 گھنٹے میں کورونا مثبت کیسز کی شرح 1.55 فیصد رہی،ملک بھر میں کورونا کے باعث اموات کی تعداد28 ہزار 943 ہو گئی ملک بھر میں کورونا کے مجموعی کیسز کی تعداد12 لاکھ 97 ہزار 235 ہو گئی-

سرخ آنکھوں اور جلد کی خارش بھی اومی کرون کی علامات ہیں ،امریکی طبی ماہرین

وفاقی دارالحکومت اسلام آباد میں اومیکرون کا پھیلاؤ جاری ہے، ڈی ایچ او اسلام آباد کے مطابق اسلام آباد میں اومیکرون کے مزید 46 نئے مریض سامنے آئے ہیں ہیں جس کے بعد اومیکرون کے مریضوں کی تعداد بڑھ کر 100 ہو گئی ہے،حکام کا کہنا ہے کہ کرونا سے بچاؤ کے لئے ایس او پیز پر عمل کریں اور احتیاط کریں-

ایک بار پھر ایک خاندان کے 12 افراد میں اومی کرون کی تصدیق:مائیکرو سمارٹ لاک ڈاؤن نافذ

این سی او سی کی جانب سے کہا گیا ہے کہ ملک بھرمیں آج سے شہریوں کوبوسٹرڈوزلگائی جائے گی ،30 سال سے زائد عمر کے افراد بوسٹرڈوزلگوائیں ،ویکسین کی دوسری ڈوزکے 6 ماہ بعدبوسٹرڈوزلگائی جائے گی،اومی کرون کیسزکے باعث شہری ایس اوپیزپرعمل کریں-

کورونا،اومی کرون اور اب فلورونا کے حملے:عرب امارات نے پھرپابندی عائد کردی

Leave a reply