عام انتخابات : راولپنڈی پولیس کی جانب سے فلیگ مارچ

شہر بھر کو سیکیورٹی گشت کے حوالے سے 280 کلسٹرز میں تقسیم کیا گیا ہے
0
115
flag march

راولپنڈی: ملک بھر میں 8 فروری 2024 کو ہونے والے عام انتخابات کے حوالے سے راولپنڈی پولیس کی جانب سے فلیگ مارچ کیا گیا، پولیس، پاک فوج، رینجرزاوردیگرقانون نافذ کرنے والے اداروں نے فلیگ مارچ میں حصہ لیا۔

باغی ٹی وی : راولپنڈی کے حلقہ این اے 52، 53 ، 54 ،55 ،56 اور57 میں فلیگ مارچ کیے گئے، اس کا مقصد الیکشنز 2024 کے پرامن انعقاد کے عزم کا اظہارہےراولپنڈی پولیس کے 9 ہزار 500 سےزائد اہلکار سیکیورٹی فرائض انجام دینگے جبکہ پولنگ اسٹیشنوں پر سیکیورٹی تعینات ہوگی، شہر بھر کو سیکیورٹی گشت کے حوالے سے 280 کلسٹرز میں تقسیم کیا گیا ہے ایلیٹ کمانڈوز گشت کریں گے جبکہ پاک فوج اوررینجرزکوئیک رسپانس فورس بھی اہم مقامات پر پٹرولنگ کے فرائض سرانجام دیں گے۔

سی پی او کے مطابق پولنگ میٹیریل کی بحفاظت ترسیل کے لیے خصوصی سیکورٹی انتظامات کیے گئے ہیں، امن و امان میں خلل ڈالنے کی کوشش کرنے والوں سے آہنی ہاتھوں سے نمٹا جائے گا۔

انتخابات 2024:انتخابی مہم چلانے کا آخری روز 6 فروری مقرر

مشرق وسطیٰ میں ایرانی حمایت یافتہ عسکری گروپوں پر مزید حملے کریں گے،امریکا

امریکا میں یونیورسٹی طلبہ نے غزہ میں جنگ بندی کیلئے بھوک ہڑتال کردی

Leave a reply