راولپنڈی ، بین الاقوامی و بین الصوبائی ڈکیت و نوسرباز گینگ کے ، ملزمان گرفتار

0
39

تھانہ کینٹ پولیس کی بڑی کاروائی ، بین الاقوامی و بین الصوبائی ابراہیم ڈکیت و نوسرباز گینگ کے 03 ملزمان گرفتار

گرفتار ملزمان سے ملکی اور غیر ملکی کرنسی ، پولیس یونیفارمز ، وائرلیس سیٹس ، انٹرنیشنل پاسپورٹ، رہائشی ویزے و پرمٹ ، جعلی نمبر پلیٹس ، وارداتوں میں استعمال ہونے والی گاڑی و موٹرسائیکل اور اسلحہ معہ ایمونیشن برآمد ۔گرفتارملزمان میں گینگ کا سرغنہ ابراہیم جبکہ ساتھی ملزمان میں محمد جاوید اور سکندر ابراہیم شامل ہیں،

سی پی او محمد احسن یونس نے اوورسیز پاکستانیوں کے ساتھ ہونے والی وارداتوں پر نوٹس لیتے ہوئے ایس پی پوٹھوہار کو ملزمان کی گرفتاری کا خصوصی ٹاسک دیا تھا، ایس پی پوٹھوہار کی زیر نگرانی ایس ایچ او کینٹ اور ان کی ٹیم نے جدید ٹیکنالوجی اور ہیومن انٹیلی جنس کو بروئے کار لاتے ہوئے گینگ کے ملزمان کو ٹریس کر کے گرفتار کیا،

گینگ کے ملزمان بیرون ملک سے آنے والے مسافروں کی ریکی کرتے ان کا پیچھا کرتے اور ویران جگہ پر مسافروں کو لوٹ لیتے تھے، ملزمان واردات کے دوران اپنے آپ کو پولیس آفیسر ظاہر کرنے کیلئے پولیس یونیفارم، ریوالونگ لائٹ اور وائر لیس سیٹ کا استعمال کرتے تھے،گینگ نوسر بازی کی وارداتوں میں بھی ملوث ہے، جو بینکوں میں سادہ لوح شہریوں سے رقم گنتے وقت نوسربازی و دھوکے سے رقم نکال لیتے تھے ،

ملزمان نے مختلف اضلاع میں وارداتیں کرنے کا اعتراف کیا ہے، مزید سنسنی خیز انکشافات متوقع ہیں،ملزمان نے تفتیش کے دوران ملائیشا ، دبئی ، انڈونیشیا، انگلینڈ ، مسقط اور دیگر یورپی ممالک میں اسی طرز کی وارداتیں کرنے کا بھی اعتراف کیا، گینگ کے ملزمان مختلف زبانوں پر عبور رکھتے ہیں اور آئس و ہیروئن کا نشہ کرتے ہیں،

ملزمان کے دیگر سہولت کاروں کو بھی جلد گرفتار کیا جائے گا، بین الاقوامی و بین الصوبائی ڈکیت گینگ کی گرفتاری پر سی پی او محمد احسن یونس کی جانب سے ایس پی پوٹھوہار ، ایس ایچ او کینٹ اور پولیس ٹیم کو شاباش

Leave a reply