واقعی ترکی کوجلانے کی سازش:کس نے تیارکی؟کون شامل ہے؟سب کوسزا دیں گے :ترک صدرغصے میں آگئے

0
26

انقرہ:واقعی ترکی کوجلانے کی سازش:کس نے تیارکی؟کون شامل ہے؟سب کوسزا دیں گے :ترک صدرغصے میں آگئے ،اطلاعات کے مطابق ترک حکام نے اس بات کا خدشہ ظاہر کیا ہے کہ ترکی کوجلانے کی یہ سازش ہے اوراس سازش کے پیچھے چھپے تمام کرداروں کو بے نقاب کرکے سخت سزا دیں گے ،

حکام نے سیاحتی مقام انطالیہ کے مشرقی حصے میں بدھ کے روز 4 مقامات پر لگنے والی مشتبہ آگ کی تحقیقات بھی شروع کر دی ہیں۔آگ انطالیہ کے مشرق میں 75 کلومیٹر کے فاصلے پر کم آبادی والے علاقے میں ایک ریزورٹ سے پھیلی جو روسی اور مشرقی یورپ سیاحوں میں مقبول تھا۔

ترک ماہرین اورسرکاری حکام کہتے ہیں کہ آگ ایسے وقت میں بھڑکی کہ جب درجہ حرارت 40 ڈگری سینٹی گریڈ تک پہنچ چکا تھا اور ہوا کی رفتار 50 کلومیٹر فی گھنٹہ تھی۔

دوسری طرف ترک میئر نے کہا کہ انہیں کسی شرانگیزی کا شبہ ہے کیونکہ آگ ایک ساتھ 4 مقامات پر لگی۔ان کا کہنا تھا کہ یہ آتش زنی کا حملہ معلوم ہوتا ہے لیکن اس مرحلے پر ہمارے پاس ٹھوس معلومات نہیں ہیں۔

 

یہ بھی معلوم ہوا ہے کہ اس سلسلے میں ترک صدر طیب اردگان نے کہا کہ تحقیقات کا آغاز کر دیا گیا۔ترک صدر کے صدارتی مواصلاتی ڈائریکٹر نے یہ بھی کہا کہ فطرت اور جنگلات کے خلاف حملوں پر ذمہ داران کا محاسبہ کیا جائے گا۔

خیال رہے کہ ترکی کے جنگلات میں لگنے والی آگ سے 4افراد جاں بحق اور 180 سے زائد زخمی ہو گئے۔ متاثرہ علاقوں سے لوگوں کا انخلا جاری ہے۔ترکی کے جنوبی علاقوں کے جنگلات میں لگی آگ پر قابو پانے کے لیے کوششیں جاری ہیں، متاثرہ علاقوں میں 75 کلومیٹر فی گھنٹہ کی رفتار سے چلنے والی ہواں سے آگ پھیلتی جا رہی ہے

Leave a reply