ترکی :تارکین وطن کی آزمائش پر آزمائش ، وین کھائی میں جاگری، 18 افراد جاں بحق ، پاکستانی بھی شامل

استنبول: تارکین وطن کو دنیا میں کسی بھی جگہ پناہ نہیں مل رہی ،کہیں مہاجرین سمندروں کے گہرے پانیوں میں ڈوب کی زندگی ہاررہےہیں تو کہیں پناہ ڈھونڈے ڈھونڈتے کسی زمینی حادثے کا شکار ہوجاتےہیں، ایسا ہی ایک واقعہ ترکی میں پیش جہاں تارکین وطن کی بس گہری کھائی میں جاگری جس کے نتیجے میں 18 افراد جاں بحق ہوگئے۔

ذرائع کے مطابق تارکین وطن کی بس حادثے کا شکار ہوگئی جس کے نتیجے میں 18 افراد جان کی بازی ہار گئے اور 52 زخمی ہوگئے۔ رپورٹ کے مطابق افسوسناک واقعہ ترکی کے جنوبی شہر وان میں پیش آیا جب ڈرائیور سے بے قابو ہوکر منی بس گہری کھائی میں جاگری۔

وان شہر کے گورنر کا کہنا ہے کہ بس میں تارکین وطن سوار تھے جن کا تعلق پاکستان، بنگلہ دیش اور افغانستان سے ہے، جاں بحق ہونے والوں میں خواتین اور بچے بھی شامل ہیں۔اس حادثے میں ہلاک ہونے والوں کے تفصیل ابھی تک موصول نہیں ہوئی

دوسری طرف ریسکیو ٹیموں کی جانب سے جائے حادثہ پر امدادی کارروائیوں کا آغاز کرتے ہوئے ہلاک و زخمیوں کو اسپتال منتقل کردیا گیا ہے جہاں بیشتر زخمیوں کی حالت تشویشناک بتائی گئی ہے۔

جواب چھوڑیں

آپ کا ای میل ایڈریس شائع نہیں کیا جائے گا.