fbpx

بھارت سُن لے:کشمیری طلبا کے خلاف مقدمات کا اندراج مضحکہ خیز ہے:نیشنل کانفرنس

سرینگر:بھارت سُن لے:کشمیری طلبا کے خلاف مقدمات کا اندراج مضحکہ خیز ہے:اطلاعات کے مطابق بھارت کے غیر قانونی زیر قبضہ جموں و کشمیر میں نیشنل کانفرنس نے پاک بھارت کرکٹ میچ کے بعد کشمیری طلباءکے خلاف غداری کے الزامات کے تحت مقدمات کے اندراج پر برہمی کا اظہار کیا ہے۔

کشمیر میڈیا سروس کے مطابق نیشنل کانفرنس کے ترجمان عمران نبی ڈار نے سرینگر میں جاری ایک بیان میں جموں و کشمیر اور آگرہ میں کشمیری طلباءکے خلاف غداری کے الزامات کے تحت مقدمات کے اندراج کو انتہائی مضحکہ خیز قرار دیا۔

انہوں نے کہا کہ یہ قانون کا سراسر غلط استعمال ہے ۔ انہوں نے کہا کہ طلباءایک ہمسائیہ ملک کی فتح پر محض جشن منا رہے ہیں اور اس حوالے سے وائرل ویڈیوز میں تشدد کا کوئی پہلو دکھائی نہیں دیتا۔ ترجمان نے کیا اس سارے معاملے کو سیاسی میدان میں گھسیٹنا عجیب ہے۔

Facebook Notice for EU! You need to login to view and post FB Comments!