ڈاکٹرغلام مصطفی بڈانی
سیالکوٹ، باغی ٹی وی( بیوروچیف شاہد ریاض سے) ضلع بھر میں مختلف آپریشنل صلاحیتوں کے حامل ریسکیورز میں بہترین ریسکیورز کے انتخاب کے لیے مقابلہ جات کا انعقادکیاگیا
تفصیل کے مطابق ضلع بھر میں مختلف ریسکیو تیکنیکوں اور آپریشنل صلاحیتوں کے حامل ریسکیورز کے مابین مقابلہ جات کا انعقاد ڈسٹرکٹ ایمرجنسی آفسیر انجینئر نوید اقبال کی زیر نگرانی سینٹرل ریسکیو اسٹیشن میں کیا گیا۔
مقابلہ جات میں ضلع بھر سے لیڈ فائر ریسکیورز، ایمرجنسی میڈیکل ٹینکنشنز، فائر ریسکیورز اور ریسکیو ڈرائیورز نے شرکت کی، جنہوں نے مختلف ریسکیو تیکنیکوں جیسے حادثات کی صورت میں بروقت ابتدائی طبی امداد مہیا کرنا، آگ لگنے کی صورت میں اس پر قابو پا نا اور فزیکل فٹنس کا جائزہ لیا گیا۔
ریجنل ایمرجنسی آفسیر سید کمال عابد نے مقابلہ جات کا جائزہ لیا او رسال 2023کے بہترین قرار پانے والوں کا انٹرویو کیا۔
مقابلہ جات میں بہترین لیڈ فائر ریسکیور ندیم اختر، ایمرجنسی میڈیکل ٹیکنیشن محمد شہباز، فائر ریسکیور محمد محسن اور ریسکیو ڈارئیور شہزاد اختر کو سال 2023کے بہترین ریسکیورز منتخب کیا گیا۔
ریجنل ایمرجنسی آفسیر گوجرانوالہ سید کمال عابد نے بہترین ریسکیورز قرار پانے والوں کو مبارک باد دی۔ مزید براں انہوں نے بتایا کہ ڈو یژن گوجرانولہ کے تمام اضلاع سے بہترین قرار پانے والے ریسکیور ز ایمرجنسی سروس اکیڈمی میں پنجاب کے بہترین ریسکیور کے مقابلہ جات میں بھی حصہ لیں گے۔
