ریونیو ڈیپارٹمنٹ لاہور میں مبینہ مالی کرپشن ، نیب لاہور کی کارروائی ، اہم ملزم گرفتار

باغی ٹی وی کی رپورٹ کے مطابق ریونیو ڈیپارٹمنٹ لاہور میں مبینہ مالی کرپشن پر نیب لاہور کی کارروائی میں اہم ملزم گرفتارکر لیا گیا

نیب لاہور کے مطابق لینڈ ریکارڈ میں مبینہ ردوبدل کرتے ہوئے کروڑوں روپے بٹورنے کے الزام میں ملزم رفاقت علی کو گرفتار کیا گیا ہے،ملزم رفاقت علی محکمہ ریونیو کے اہلکار جمیل احمد کا بیٹا جبکہ کروڑوں روپے کی کرپشن میں ملوث پایا گیاملزم رفاقت علی نے ریونیو حکام کی مبینہ ملی بھگت سے موضع سادھوکی اور ماڈل ٹائون کے علاقہ میں اربوں روپے مالیت کی سینکڑوں کنال زمین شریک ملزمان کے نام منتقل کروائی

ملزم رفاقت علی نے 2002 سے 2008 کے دوران 850 کنال سے زائد لیڈ من پسند افراد کو منتقل کی،ملزمان نے آپس کی ملی بھگت سے 83 کنال زمین غیرقانونی طور پر ڈی ایچ اے رہبر کو بھی فروخت کی،ریونیو حکام کی ملی بھگت سے پنجاب کوآپریٹو بینک کی 135 کنال زمین بھی ملزمان نے ملی بھگت سے فروخت کی،غیرقانونی طور پر حاصل رقوم سے ملزم رفاقت علی نے اپنے اور اہل خانہ کے نام کروڑوں روپے کی جائیدادیں بنائیں جنکے شواہد حاصل کر لئے گئے ہیں

نیب لاہور کے مطابق نیب حکام کیجانب سے ملزم رفاقت علی کو جسمانی ریمانڈ کیلئے احتساب عدالت کے روبرو پیش کیا جائیگا،دوران تحقیقات ملزم سے مالی غبن اورشریک ملزمان کے حوالے سے اہم انکشافات کی توقع ہے: نیب لاہور