ریاست مخالف مہم، پی ٹی ایم کے خلاف پاکستان کے وکلاء نے کاروائی کا مطالبہ کردیا

0
26

ریاست مخالف سرگرمیوں میں ملوث پشتون تحفظ موومنٹ کے خلاف وکلاء میدان میں آگئے ،مذمتی قرارداد منظور کرتے ہوئے کاروائی کا مطالبہ کر دیا

باغی ٹی وی کی رپورٹ کے مطابق پاکستان کی وکلاء کی سب سے بڑی تنظیم پاکستان بار کونسل نے پی ٹی ایم کے خلاف کاروائی کا مطالبہ کیا ہے، پاکستان بار کونسل کے وائس چیئرمین سید امجد شاہ نے کہا ہے کہ پی ٹی ایم کے رہنما محسن داوڑ،علی وزیر اور گلالئی اسماعیل عوام کو علیحدگی کی ترغیب دے رہے ہیں اور یہ ملک سے غداری کے زمرے میں آتا ہے اس لئے ان کے خلاف کاروائی کی جائے، پاکستان بار کونسل نے پی ٹی ایم کے خلاف مذمتی قرارداد بھی منظور کی ہے. سید امجد شاہ کا مزید کہنا تھا کہ ریاستی اداروں کو پی ٹی ایم بدنام کر رہی ہے اور عوام کو ریاستی اداروں کے خلاف اشتعال دلایا جا رہا ہے. سید امجد شاہ نے کہا کہ حکومت پی ٹی ایم کے ایسے عناصر کیخلاف کاروائی کرے۔

واضح رہے کہ پاکستان بار کونسل کی جانب سے پی ٹی ایم کے خلاف کاروائی کا مطالبہ ایک ایسے وقت میں سامنے آیا جب ریاست کی ریاست مخالف سرگرمیوں کو مسلسل نظر انداز کر رہی تھی. پاک فوج، حکومت سمیت ہر ادارے میں پی ٹی ایم کے جائز مطالبات کو مانا گیا لیکن اب پی ٹی ایم کے رہنمائوں کا ریاست مخالف ایجنڈا مزید سامنے شروع ہو گیا ہے. انہوں نے پاکستان میں افغانستان کی زبان بولنا شروع کر دی اور آئین پاکستان کے خلاف بھی بات کی. پشتون قوم کے جذبات بھی پی ٹی ایم نے مجروح کئے انہوں نے یہ جو دہشت گردی ہے اس کے پیچھے وردی ہے کا نعرہ لگا کر پاک فوج کے خلاف عوام کو بھڑکانے کی کوشش کی جس میں انہیں ناکامی ہوئی. اسلام آباد میں معصوم فرشتہ زیادتی و قتل کیس میں بھی پی ٹی ایم نے نفرت انگیز مہم چلائی .

Leave a reply