ریاستی اداروں کیخلاف اکسانے کی کوشش،عمران خان کیخلاف کاروائی کا فیصلہ

وفاقی حکومت نے سابق وزیراعظم عمران خان کے خلاف بڑی کارروائی شروع کرنے کا اصولی فیصلہ کر لیا ہے۔ اس سلسلے میں حکومت نے عمران خان کے خلاف پاکستان پینل کوڈ کے تحت فوجداری مقدمہ درج کرنے کا فیصلہ کیا ہے۔

روزنامہ جنگ میں شائع خبر ،ذرائع کے مطابق، عمران خان پر الزام ہے کہ انہوں نے سوشل میڈیا کے ذریعے عوام کو ریاست اور ریاستی اداروں کے خلاف بغاوت پر اکسانے کی کوشش کی۔ حکومتی ذرائع کا کہنا ہے کہ اس حوالے سے وفاقی حکومت نے ایک خصوصی کمپلینٹ تیار کی ہے، جس کی بنیاد پر کارروائی کی جائے گی۔اعلیٰ حکومتی ذرائع نے بتایا ہے کہ عمران خان کے خلاف کارروائی شروع کرنے کی منظوری وفاقی کابینہ سے لی جائے گی۔ وزارت داخلہ کو وفاقی کابینہ کے لیے سمری تیار کرنے کا ٹاسک دیا گیا ہے۔ اس کے بعد، وفاقی کابینہ کی منظوری کے بعد عمران خان کے خلاف انسداد دہشت گردی کی خصوصی عدالت میں ٹرائل کرنے کا منصوبہ تیار کیا گیا ہے۔

فیڈرل انویسٹی گیشن ایجنسی (ایف آئی اے) کے سائبر کرائم ونگ نے عمران خان کے خلاف انکوائری شروع کی تھی، جس کے نتیجے میں کارروائی کرنے کا فیصلہ کیا گیا۔ ایف آئی اے کی تحقیقات میں یہ بات سامنے آئی کہ عمران خان نے اپنے بیانات اور سوشل میڈیا کے ذریعے عوام کو ریاستی اداروں کے خلاف اکسانے کی کوشش کی۔عمران خان کے خلاف پاکستان پینل کوڈ کے چیپٹر 6 اور 9 اے کے تحت کارروائی کی جائے گی۔ ان دفعات کے تحت کسی بھی فرد کی طرف سے ریاست کے خلاف بغاوت یا فساد پھیلانے کی کوشش کو جرم قرار دیا گیا ہے۔ اس کے علاوہ، سی آر پی سی (کریمینل پروسیجر کوڈ) کے سیکشن 196 کے تحت کمپلینٹ فائل کرنے کے لیے بھی وفاقی کابینہ کی منظوری ضروری ہوتی ہے۔

اس کارروائی کے بعد، وفاقی حکومت کی جانب سے عمران خان کے خلاف مقدمات درج کیے جائیں گے، اور انسداد دہشت گردی کی خصوصی عدالت میں ان کا ٹرائل شروع کرنے کا امکان ہے۔ حکومت کی جانب سے یہ فیصلہ ملک کے آئینی و قانونی تقاضوں کے مطابق کیا جا رہا ہے تاکہ ملک میں امن و امان کی فضا کو برقرار رکھا جا سکے۔

سوشل میڈیا پر شرانگیزی پھیلانے والے مزید 7ملزمان کیخلاف مقدمات درج

سوشل میڈیا پر شرانگیزی پھیلانے والے مزید 13 ملزمان کیخلاف مقدمات

سوشل میڈیا پر جھوٹے بیانات،پروپیگنڈہ،مزید 7 ملزمان پر مقدمہ

17 ملین سے زائد لائکس والی ٹک ٹاکر سومل کی بھی نازیبا ویڈیو لیک

ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی

ٹک ٹاکر مسکان چانڈیو کی بھی نازیبا،برہنہ ویڈیو لیک

مناہل اور امشا کےبعد متھیرا کی ویڈیولیک،کون کر رہا؟ حکومت خاموش تماشائی

نازیبا ویڈیو لیک،وائرل ہونے پر متھیرا کا ردعمل آ گیا