ریحانہ نے بھارتی کسانوں کے حق میں ٹوئٹ کرنے کیلئے 100 کروڑ روپے لئے ہیں کنگنا رناوت کا دعویٰ

حال ہی میں امریکی معروف پاپ گلوکارہ ریحانہ نے بھارتی کسانوں کے حق میں اپنی آواز بلند کی تھی جس نے بی جے پی کو تلملا کر رکھ دیا تھا اور مودی کے حامیوں نے ریحانہ کو سخت تنقید کا مشانہ بنایا تھا جن میں اداکارہ کنگنا رناوت سر فہرست ہیں-

باغی ٹی وی : اداکارہ کنگنا رناوت نے دعویٰ کیا ہے کہ امریکی گلوکارہ ریحانہ نے بھارتی احتجاجی کسانوں کے حق میں ٹوئٹ کرنے کے لیے 100 کروڑ بھارتی روپے لئے ہیں۔

ریحانہ نے بھارت میں زرعی قوانین کے خلاف احتجاج کرنے والے کسانوں کے حق میں ٹوئٹ کیا کردیا کنگنا رناوت ہاتھ دھو کر ان کے پیچھے پڑگئی ہیں۔ پہلے تو انہوں نے ریحانہ کو بیوقوف کہا اور اب کہہ رہی ہیں کہ گلوکارہ ریحانہ نے کسانوں کی حمایت میں ٹوئٹ کرنے کے لیے پیسے لیے ہیں۔

بھارتی ری پبلک ٹی وی کو انٹرویو دیتے ہوئے کنگنا رناوت نے کہا کہ امریکی گلوکارہ جس نے عالمی وبا کے حوالے سے آج تک کچھ نہیں کہا امریکی پارلیمنٹ پر ہونے والے ہنگامے پر ایک لفظ نہیں بولا ایک دن اٹھتی ہے اور کسانوں کے لیے ٹوئٹ کرتی ہے۔اس نے ضرور اس ٹوئٹ کے لیے کم از اکم 100 کروڑ روپے وصول کیے ہوں گے آخر اسے یہ رقم کہاں سے مل رہی ہے؟

واضح رہے کہ فوربز کے مطابق پاپ اسٹار ریحانہ کی دولت 600 ملین ڈالرز تقریباً 4 ہزار 300 کروڑ بھارتی روپے ہے۔ ریحانہ کہ فاؤنڈیشن کلارا لیونل نے مارچ2020 میں کووڈ 19 ریلیف فنڈ میں 5 ملین ڈالرز تقریباً 36 کروڑ بھارتی روپے عطیہ کیے تھے۔ جب کہ ریحانہ نے اپنی جیب سے 2 ملین ڈالرز عطیہ کیے تھے۔


واضح رہے کہ منگل کے روز 2 فروری کو گلوکارہ ریحانہ نے بھارتی کسانوں کے احتجاج کی ایک خبر ٹوئٹر پر شیئرکراتے ہوئے لکھا کیوں ہم اس کے بارے میں بات نہیں کررہے؟ اس کے ساتھ انہوں نے کسانوں کا احتجاج ہیش ٹیگ بھی استعمال کیا تھا۔


ریحانہ کی اس ٹوئٹ کے بعد جہاں انتہا پسند ہندوؤں نے انہیں تنقید کا نشانہ بنایا وہیں اداکارہ کنگنا رناوت نے بھی جوابی ٹوئٹ کرتے ہوئے کہا ’کوئی اس بارے میں اس لیے بات نہیں کررہا کیونکہ یہ کسان نہیں بلکہ دہشت گرد ہیں جو بھارت کو تقسیم کرنے کی کوشش کررہے ہیں تاکہ چین ہماری ٹوٹی ہوئی کمزور قوم پر قبضہ جماسکے اور امریکا کی طرح اسے ایک چینی کالونی بناسکے۔

کنگنا رناوت نے ریحا نہ کو بیوقوف کہتے ہوئے کہا ہم تمہاری طرح اپنی قوم نہیں بیچ رہے۔

سلمان خان بھی بھارتی کسانوں کے احتجاج پر بول پڑے

بھارتی کسانوں کیلئے آواز بلند کرنے پر کنگنا رناوت امریکی گلوکارہ پر پھٹ پڑیں

امریکی گلوکارہ ریحانہ نے بھارتی کسانوں کے حق میں آواز بُلند کر دی

سیف علی خان کی فلم کی شوٹنگ کے دوران سیٹ پر خوفناک آگ بھڑک اٹھی

بھارت میں انسانی حقوق کی خلاف ورزیاں ہو رہی ہیں میا خلیفہ

کسانوں کے مسئلے پر حکومت کی ترجمانی کرکے بالی وڈ اداکاروں نے مصیبت مول لی

بھارتی کسانوں کے ساتھ اظہار یکجہتی: ریچا چڈھا ماحولیاتی تبدیلی کی کارکن گریٹا…

ریحانہ کی بھارتی کسانوں کی حمایت: علی گل پیر اور کنگنا رناوت میں تکرار

کنگنا رناوت نے تاپسی پنوں کو بی گریڈ اداکارہ قرار دیا

جواب چھوڑیں

آپ کا ای میل ایڈریس شائع نہیں کیا جائے گا.