رشی کپور زندہ دل شخص اور قابلیت کا پاور ہاؤس تھے نریندر مودی
بھارتی معروف لیجنڈری اداکار رشی کپور کی موت پر بھارتی وزیراعظم نریندر مودی نے سوشل میڈیا پرافسوس کا اظہار کیا
باغی ٹی وی : رشی کپور تقریباً 2 سال کے عرصے سے کینسر سے جنگ لڑ رہے تھے اور انہیں گزشتہ روز سانس لینے میں تکلیف پر ہسپتال میں داخل کروایا گیا تھا جہاں وہ انتقال کر گئے بھارتی لیجنڈری اداکار رشی کپورکی موت پر بھارتی وزیراعظم نریندر مودی نے افسوس کا اظہار کرتے ہوئے سماجی رابطے کی ویب سائٹ ٹویٹر پر اپنا ایک پیغام جاری کیا
Multifaceted, endearing and lively…this was Rishi Kapoor Ji. He was a powerhouse of talent. I will always recall our interactions, even on social media. He was passionate about films and India’s progress. Anguished by his demise. Condolences to his family and fans. Om Shanti.
— Narendra Modi (@narendramodi) April 30, 2020
نریندر مودی نے کہا کہ رشی کپور جی ایک پیارے ہمہ جہت اورزندہ دل شخص تھے وہ قابلیت کا پاور ہاؤس تھے
نریندر مودی نے کہا کہ میں ہمیشہ میری اور رشی کپور کے درمیان ہونے والی تمام بات چیت اور ملاقاتوں کو یاد رکھوں گا رشی کپور بھارت اور بھارتی فلموں کی ترقی کا شوق رکھتے تھے
بھارتی وزیراعظم نے رشی کپور کی موت سے غمزدہ ان کے اہل خانہ اور مداحوں سے تعزیت کا اظہار کیا
خیال رہے کہ اکتوبر 2018 میں رشی کپور کے کینسر میں مبتلا ہونے کی اطلاعات منظر عام پر آئی تھیں جس کے علاج کے لیے وہ امریکا گئے تھے تاہم اس وقت انہوں نے اپنی بیماری کی تصدیق نہیں کی تھی
بعدازاں جنوری 2019 میں ان کے بھائی رندھیر کپور نے ان کے امریکا میں زیر علاج ہونے کی تصدیق کی تھی تاہم بیماری کے حوالے سے اس وقت بھی نہیں بتایا گیا تھا تاہم ایک سال قبل اپریل میں فلم ساز راہول راویل نے بتایا تھا کہ رشی کپور کینسر کو شکست دے کر صحتیاب ہوگئے ہیں