آنجہانی رشی کپور کی پہلی برسی،اہلخانہ کی آن لائن پوجاپاٹ

بالی وڈ اداکار رشی کپور کی پہلی برسی پراہلیہ نیتو کپور اور بیٹے رنبیر کپور نے کورونا وبا کی وجہ سے آن لائن پوجا پاٹ کی۔

باغی ٹی وی: بھارتی میڈیا کے مطابق گزشتہ برس 30 اپریل 2020 کو رشی کپور چل بسے تھے اور آج ان کی پہلی برسی منائی جا رہی ہے۔

پرآنجہانی اداکار کی برسی کے موقع پر جہاں نامور شخصیات اور سوشل میڈیا صارفین کی جانب سے ان کی یادیں تازہ کی جارہی ہیں۔

وہیں بھارت میں کورونا کی ابتر صورتحال کے پیش نظر رشی کپور کی اہلیہ نیتو کپور اور بیٹے رنبیر کپور نے پہلی برسی پر آن لائن پوجا پاٹ رکھی ہے۔

اس ورچوئل پوجاپاٹ میں خاندان کے افراد شریک ہوں گے۔

رشی کپور کی بہن ریما کپور کے مطابق ممبئی میں کورونا کیسز کے اضافے کے پیش نظر گھر میں افراد کے جمع ہوکر پوجا نہیں رکھی گئی۔

Leave a reply