ریاض معاہدے پر سلامتی کونسل نے دیا رد عمل

اقوام متحدہ کی سلامتی کونسل نے یمنی حکومت اور عبوری کونسل کے درمیان الریاض میں ہونے والے امن معاہدے کا خیر مقدم کیا ہے .

تفصیلات : سلامتی کونسل نے کہا ہے کہ معاہدہ یمن قضیے کے جامع سیاسی حل کی جانب ایک مثبت اور اہم پیش رفت ہے۔ عالمی ادارے نے یمن سے متعلق معاہدہ کرانے کے سلسلے میں سعودی عرب کی مصالحتی کوششوں کو بھی سراہا ہے۔ سلامتی کونسل نے اس بات پر زور دیا ہے کہ یو این ایلچی کو یمنیوں نے درمیان مذاکرات کا سلسلہ دوبارہ شروع کرنے کے لئے ہر طرح کا تعاون فراہم کیا جائے۔ نیز متعلقہ فریق یمنی قضیے کے حل کے سلسلے میں اسٹاک ہوم معاہدے پر عمل درآمد کریں۔ سلامتی کونسل نے مزید کہا ہے کہ ہم یمن کی آزادی، وحدت اور علاقائی سلامتی کا احترام کرتے ہیں۔

یمن میں حوثی باغیوں، جنوبی عبوری کونسل اور یمنی حکومت کے درمیان جنگ کا سلسلہ جاری ہے تاہم سعودی حمایت یافتہ یمنی حکومت اور متحدہ عرب امارات کی حمایت یافتہ جنوبی عبوری کونسل کے درمیان معاہدہ طے پا گیا ہے۔ یاد رہے کہ اگست میں متحدہ عرب امارات کے حمایت یافتہ علیحدگی پسندوں نے حملہ کر کے سعودی حمایت یافتہ یمنی حکومتی فورسز کو شکست دے کر عدن پر قبضہ کر لیا تھا۔

وزیراعظم پاکستان عمران خان کی طرف سے ریاض امن معاہدے کا خیر مقدم