چمن میں مکان کی چھت گرنے سے 6 افراد جاں بحق،لوگوں نے اپنی مدد آپ کے تحت زخمیوں کونکالا

0
30

چمن :چمن میں مکان کی چھت گرنے سے 6 افراد جاں بحق،لوگوں نے اپنی مدد آپ کے تحت زخمیوں کونکالا،اطلاعات کےمطابق صوبہ بلوچستان کے علاقے چمن میں مکان کی چھت گرنے سے 6 افراد جاں بحق جبکہ 2 افراد زخمی ہوگئے۔

تفصیلات کے مطابق چمن میں کلی لقمان میں چھت بارش کے باعث گری اور گھر میں موجود تمام افراد ملبے کی نیچے دب گئے، مقامی افراد نے اپنی مدد آپ کے تحت لاشوں اور زخمیوں کو باہر نکالا۔ذرائع کے مطابق افسوس ناک واقعے میں جاں بحق ہونے والوں میں 4 خواتین سمیت 6 افراد شامل ہیں۔

کوہاٹ کے علاقے گھمکول میں 4 روز قبل مکان کی چھت گرنے سے خاتون سمیت 2 افراد جاں بحق ہوگئے تھے۔ مذکورہ کچے مکان کی چھت کمزور ہونے کے باعث گری تھی۔یاد رہے کہ گزشتہ ہفتے لاہور کے علاقے یوحنا آباد میں خستہ حال مکان کی چھت گرنے کے نتیجے میں ماں اور 2 بچے جاں بحق ہوگئے تھے۔

Leave a reply