fbpx

پنڈی بھٹیاں ریجنل پولیس آفیسر گجرات ڈاکٹر اختر عباس کا ڈسٹرکٹ حافظ آباد کا دورہ

باغی ٹی ،پنڈی بھٹیاں(شاھدکھرل)تفصیلات کے مطابق ریجنل پولیس آفیسر ڈاکٹر اختر عباس نے ڈسٹرکٹ حافظ آباد کا وزٹ کیا۔ عارف شہید پولیس لائنز آمد پر ڈی پی او حافظ آباد رائے مظہر اقبال نے ان کا پرتپاک استقبال کیا۔شہید عمر عثمان کی بیٹی منتہیٰ عمر ، لاریب عمر اور شہید دلبررزاق کے بیٹے محمد علی نے آر پی او گجرات ڈاکٹر اختر عباس کو پھولوں کے گلدستے پیش کئے۔عارف شہید پولیس لائنز آمد پر پولیس کے چاک و چوبند دستے نے سلامی پیش کی۔آر پی او گجرات نے یادگار شہداءپر حاضری دی ، پھولوں کی چادر چڑھائی اور شہداءکے درجات کی بلندی کے لئے فاتحہ خوانی کی۔اس موقع پر ان کا کہنا تھا کہ حافظ آباد پولیس کے 18شہداءنے سماج دشمن عناصر اور معاشرے کے ناسوروں سے لڑتے ہوئے اپنی قیمتی جانیں ملک و قوم کی خاطر قربان کی ہیں ، ان کی لازوال قربانیوں کو ہمیشہ یاد رکھا جائے گا ہمارےشہداءمحکمہ پولیس کے ماتھے کا جھومر ہیں جنہوں نے ملک و قوم کے لئے اپنی جانیں قربان کیں بعدازاں آر پی او گجرات ڈاکٹر اختر عباس نے ڈی پی اوآفس میں ضلع بھر کے ایس ڈی پی اوز اور ایس ایچ اوز کے ساتھ کرائم میٹنگ کی۔ کرائم میٹنگ میں آر پی او نے تمام ایس ایچ اوز کی کارکردگی کا جائزہ لیا۔آر پی او نے تمام ایس ایچ اوز کو ہدایت کی کہ تمام زیر تفتیش مقدمات کو جلد از میرٹ پر یکسو کریں۔سنگین مقدمات خصوصاً قتل، اغوائ، ڈکیتی، راہزنی میں کارکردگی بہتر بنائیں غیر قانونی حراست اور کرپشن کی شکایت کسی صورت برداشت نہیں کی جائے گی۔مجرمان اشتہاریوں، عدالتی مفروران اور منشیات فروشوں کے خلاف کریک ڈاؤن مزید تیز کیا جائے ۔ بیرون ملک مفرور اشتہاری مجرمان کے ریڈ وارنٹ جاری کروائے جائیں۔تمام ایس ایچ اوز پبلک اوور کے دوران تھانہ میں اپنی حاضری ہر صورت یقینی بنائیں۔ایس ایچ اوز تھانہ میں آنے والے سائلین کے ساتھ خوش اخلاقی سے پیش آئیں کرائم میٹنگ کے بعد آر پی او ڈاکٹر اختر عباس نے سنگین مقدمات کے مدعیان سے ملاقات کی اور ایس ایچ اوز کو تمام مقدمات جلد از جلد میرٹ کی بنیاد پر یکسو کرنے کی ہدایت کی آر پی او گجرات ڈاکٹر اختر عباس نے ڈی پی او آفس میںشجرکاری مہم کے تحت ایر و کیریا کا پودا لگایا آر پی او گجرات ڈاکٹر اختر عباس نے کی جانب سے ڈی پی او آفس میں کھلی کچہری کا انعقاد بھی کیا گیا۔کھلی کچہری میں شہریوں کی کثیر تعداد نے شرکت کی۔آر پی او گجرات نے فرداً فرداً شہریوں کے مسائل سنے اور ان کے فوری حل کے لئے متعلقہ افسران کو احکامات جاری کئے کھلی کچہری سے خطاب کرتے ہوئے آر پی او ڈاکٹر اختر عباس کا کہنا تھا کہ میرایہاں آنے کا مقصدہے کہ لوگوں کے مسائل ان کی دہلیز پر حل ہو۔کھلی کچہری کے انعقاد کا مقصد اداروں اور عوام کے درمیان اعتماد کی فضا پیدا کرنا ہے۔شہریوں کو تحفظ دینا اور جرائم پیشہ عناصر کو عدالت مجاز سے سزا دلوانا پولیس کا فرض ہے۔پولیس افسران کےلئے لازم ہے اپنے رویوں میں بہتری لائیں اور عوام الناس کی خدمت کو اپنا اشعار بنائیں۔تمام پولیس افسران اپنی ڈیوٹی ایمانداری اور دیانتداری سے سرانجام دیں۔شہری بھی پولیس کے ساتھ تعاون کریں تاکہ جرائم کی بیخ کنی میں مدد مل سکے۔بعدازاں آر پی او گجرات ڈاکٹر اختر عباس نے تھانہ سٹی حافظ آباد کا وزٹ بھی کیا۔آر پی او نے تھانہ کے ریکارڈ ، فرنٹ ڈیسک، حوالات اور بلڈنگ کا جائزہ لیا۔