اسلام آباد : انٹرنیٹ ڈیٹا پر فی جی بی 5 روپے ٹیکس:حماداظہراورڈاکٹرشہبازگل وزیراعظم کی حمایت میں آگئے،اطلاعات کے مطابق وزیراعظم عمران خان نے انٹرنیٹ ڈیٹا پر فی گیگا بائٹ 5 روپے ٹیکس لگانے کی تجویز کو مسترد کردیا ہے،
تفصیلات کے مطابق وفاقی بجٹ 2021-22 میں یہ تجویز سامنے آئی تھی کہ انٹرنیٹ ڈیٹا کے استعمال پر ٹیکس لگایا جائے گاانٹرنیٹ ڈیٹا ایک گیگا بائٹ پر5 روپے اضافی دینا ہوگا۔
دوسری طرف اس حوالے سے وفاقی وزیر توانائی حماد اظہر نے کہا کہ وزیراعظم اور کابینہ نے بجٹ میں انٹرنیٹ ڈیٹا پر فیڈرل ایکسائز ڈیوٹی لگانے کی منظوری نہیں دی۔
ایک تجویز دی گئی کہ انٹرنیٹ ڈیٹا پر فی GB پانچ روپے ٹیکس لگایا جائے۔ وزیراعظم صاحب اور کابینہ نے اسے منظور نہیں کیا۔ وزیراعظم چاہتے ہیں کہ انٹرنیٹ تک رسائی ہر شخص کو ہونی چاہئیے اس لئے انٹرنیٹ پر کوئی اضافی ٹیکس نہیں لگایا جائے گا۔ تا کہ یہ عام آدمی کی قوت خرید میں رہے۔
— Dr. Shahbaz GiLL (@SHABAZGIL) June 11, 2021
اسی طرح معاون خصوصی شہبازگل نے کہا کہ ایک تجویز دی گئی کہ انٹرنیٹ ڈیٹا پر فی گیگا بائٹ(GB) پانچ روپے ٹیکس لگایا جائے۔
وزیراعظم صاحب اور کابینہ نے اسے منظور نہیں کیا۔
وزیراعظم چاہتے ہیں کہ انٹرنیٹ تک رسائی ہر شخص کو ہونی چاہئیے اس لئے انٹرنیٹ پر کوئی اضافی ٹیکس نہیں لگایا جائے گا۔ تا کہ یہ عام آدمی کی قوت خرید میں رہے