اداکارہ رباب ہاشم کی شادی کی تقریبات کا آغاز ہو گیا

پاکستان ڈرامہ انڈسٹری کی مقبول ترین اداکارہ رباب ہاشم کی شادی کی تقریبات کا آغاز ہوگیا ہے گزشتہ روز سے ان کی مایوں اور مہندی کی تصاویر سوشل میڈیا پر وائرل ہو رہی ہیں-

باغی ٹی وی :رباب ہاشم کی اچانک شادی نے مداحوں کو خوشگوار حیرت میں مبتلا کردیا ہے اور مداح بھر پور خوشی کا اظہار کرتے ہوئے دعاؤں اور نیک تمناؤں سے نوا ز رہے ہیں-

اداکارہ رباب ہاشم صہیب نامی شخص سے رشتہ ازدواج میں منسلک ہونے جارہی ہیں۔

اداکارہ نے سماجی رابطے کی ویب سائٹ انسٹاگرام پر اپنی مایوں کی چند تصویریں شیئر کیں تصویروں میں اداکارہ نے مایوں کے پیلے رنگ کے جوڑے اور مہندی لگے ہاتھوں کے ساتھ دلہن کے روپ میں نظر آرہی ہے ۔

ضد، پیا من بھائے، ،منت، کم ظرف اور میرے محسن جیسے ڈراموں میں مرکزی کردار ادا کرنے والی اداکارہ رباب ہاشم ڈراموں کے بعد اب حقیقی زندگی میں بھی رشتہ ازدواج میں منسلک ہونے جا رہی ہیں۔

واضح رہے کہ رباب ہاشم بہت سے کامیاب ڈراموں میں اپنی اداکاری کے جوہر دکھائے ہیں گزشتہ سال اُنہوں نے جیو انٹرٹینمنٹ کا مقبول ترین ڈرامہ ’میرے محسن‘ کیا تھا جس میں اُنہوں نے اداکار سید جبران کے ساتھ مرکزی کردار نبھایا تھا۔

جواب چھوڑیں

آپ کا ای میل ایڈریس شائع نہیں کیا جائے گا.