روپے کو مصنوعی طاقت دینے پر اسحق ڈار کو الزام نہ دیں، اسد عمر

سابق وزیر خزانہ اسد عمر نے کہا ہے کہ ‏عمران خان حکومت نے آئی ایم ایف کے پاس جا کر غلطی کی ہے،

باغی ٹی وی کی رپورٹ کے مطابق ایک تقریب سے خطاب کرتے ہوئے انہوں نے کہاکہ آئی ایم ایف کے بغیر معاملات حل ہو رہے تھے اور عمران خان کو اسکا الگ حل پیش کیا تھا جو بہتر تھا، انہوں نے کہا کہ پچھلی حکومت میں وزیر خزانہ اسحاق ڈار نے ڈالر کو مصنوعی طریقے سے روکا ان پر الزام نہیں دیا جا سکتا یہ کام ہر حکمران نے کیا ہے،

انہوں نے کہا کہ سال کے وسط میں عالمی مارکیٹ کے حالات بھی ایمرجنگ مارکیٹ کے لیے ساز گار تھے اور آئی ایم ایف کے بغیر معاملات بہتر ہو رہے تھے لیکن آئی ایم ایف پروگرام میں جانے کے اعلان کے بعد خرابیاں پیدا ہونا شروع ہوئیں، اسد عمر نے کہاکہ پانڈا بانڈ سکوک پر کام ہو رہا تھا لیکن آئی ایم ایف معاہدے کے بعد اسے موخر کرنا پڑا، میں نے وزیراعظم عمران خان کو ساری صورتحال بتائی کیونکہ فیصلہ انہیں کرنا تھا،

جواب چھوڑیں

آپ کا ای میل ایڈریس شائع نہیں کیا جائے گا.