روپے کے مقابلے میں امریکی ڈالر کی قیمت میں بڑی کمی

dollar

روپے کے مقابلے میں امریکی ڈالر کی قیمت میں بڑی کمی

سعودی عرب کی دو ارب ڈالر اور عالمی بینک کی 450 ملین ڈالر کی فنانسنگ سے روپیہ کو سہارا مل گیا جبکہ ڈالر دوبارہ بیک فٹ پر چلا گیا۔ دوست ممالک اور عالمی مالیاتی ادروں کی سپورٹ سے جون 2023 کے اختتام تک زرمبادلہ کے سرکاری ذخائر 10ارب ڈالر تک پہنچنے کی امید اور آئی ایم ایف کی تمام مطلوبہ شرائط پوری ہوتے ہی قرض پروگرام کی بحالی کے امکانات سے جمعرات کو زرمبادلہ کی دونوں مارکیٹوں میں امید کی کرن پیدا ہوئی اور روپیہ ایک بار پھر استحکام کی جانب گامزن ہوا۔

انٹربینک مارکیٹ میں کاروبار کے تمام دورانیے کے دوران ڈالر بیک فٹ پر رہا جس سے ایک موقع پر ڈالر کے انٹربینک ریٹ 3.85 روپے گھٹ کر 284 روپے کی سطح پر بھی آگیا تھا لیکن اختتامی لمحات میں ڈیمانڈ قدرے بڑھنے سے ڈالر کے انٹربینک ریٹ 3.43 روپے کے اضافے سے 284.42 روپے کی سطح پر بند ہوئے، اسی طرح اوپن کرنسی مارکیٹ میں ڈالر 1 روپے کی کمی سے 294.50 روپے کی سطح پر بند ہوا۔
مزید یہ بھی پڑھیں؛
عمران خان اور اس کے لوگوں نے مل کر پاکستان کو دو حصوں میں تقسیم کر دیا ہے،بھارتی تجزیہ نگار
خیبرپختونخوا، پی ٹی آئی دور میں بھرتی سوشل میڈیا انفلوانسر پھر بے روزگار ہو گئے
پاؤڈر سے کینسر کا دعویٰ کرنیوالوں کوجانسن اینڈ جانسن کمپنی کی 8.9 بلین ڈالر کی پیشکش
برازیل کے پرائمری سکول میں نوجوان نے کلہاڑٰ کے وار سے 4 بچوں کوہلاک اور 4 کو زخمی کر دیا
جعلی مکھیوں سےاصلی مکھیوں کواپنی طرف راغب کرنے والا پھول
فلم فئیر نےسلمان خان سے وعدہ کرکے ان کی جگہ کس دوسرے اداکار کو ایوارڈ دیا
کورونا کیسز میں تیزی سے اضافہ،بھارتی کرکٹ بورڈ نے ایڈوائزری جاری کر دی
ماہرین کا مزید کہنا تھا کہ سیاسی افق پر معیشت کی بحالی کے بجائے اقتدار کے حصول میں ذیادہ دلچسپی نے ڈالر کے مقابلے میں روپیہ کو بے قدر کیا ہے اب چونکہ آئی ایم ایف کی تمام بنیادی شرائط پوری ہونے جارہی ہیں جس کے نتیجے میں قرض پروگرام بحال ہونے کی امید ہوچلی ہے اور ساتھ ہی ملک میں نئے انفلوز کا راستہ ہموار ہوتا نظر آنے سے معیشت میں بہتری کی امید پیدا ہوگئی ہے جس سے روپیہ کی قدر میں بھی بہتری کے امکانات پیدا ہوگئے ہیں۔

Comments are closed.