ماسکو: پاور پلانٹ کے قریب دھماکہ، ایک شخص ہلاک کئی زخمی

ماسکو: ماسکو کے قریب ایک بجلی گھرکے قریب دھماکے سے ایک شخص ہلاک اور کئی زخمی ہو گئے.اطلاعات کے مطابق ماسکو میں پاور پلانٹ سے 50 میٹر کی دور پر خوفناک دھماکے کے بعد آتشزدگی کے باعث ایک شخص چل بسا ہے جبکہ اس واقعہ کے دوران 13 افراد زخمی ہو گئے ہیں۔

روسی حکام کے مطابق آگ پاور پلانٹ سے متصل گیس پائپ لائن پھٹنے سے لگی جس پر 2 گھنٹے بعد قابو پا لیا گیا، ریسکیو کارروائیوں میں 2 ہیلی کاپٹرز اور 2 آگ بجھانے والی گاڑیوں نے حصہ لیا۔

روسی وزارت توانائی کے سینئر حکام کے مطابق اس پاورپلانٹ سے ماسکو کو بجلی، گیس کی سپلائی کی جاتی تھی، آپریشن کو وقتی طور پر روک دیا گیا ہے۔ پلانٹ کو کوئی نقصان نہیں پہنچا۔