روس کی یوکرین کے 11 صوبوں پر گولہ باری،ایک شہری ہلاک تین زخمی

0
24

روس کے یوکرین پر حملے جاری ، حملوں میں ایک یوکرینی شہری ہلاک اورتین زخمی ہوگئے۔

باغی ٹی وی: الجزیرہ کے مطابق یوکرینی فضائیہ کا کہنا ہےکہ جمعے اورہفتے کی درمیانی شب 16 روسی ڈرون طیاروں نے دارالحکومت کیف اورمغربی شہر لوائیو کو نشانہ بنایا۔ ایئرفورس کمانڈ نے ٹیلی گرام پر لکھا کہ 16 میں سے 11 ڈرون تباہ کردیئے گئے۔

یوکرینی فضائیہ کے مطابق یہ حملے بحیرۂ آزوف اوریوکرینی سرحد کے ساتھ لگنے والے روسی صوبے بریانسک سے کیے گئے-

ہفتے کی صبح یوکرینی فوج کے مطابق پچھلے چوبیس گھنٹوں کے دوران روسی افواج نے 34 فضائی حملے کیے اورایک میزائل داغااس کے علاوہ طیارہ شکن ہتھیار بھی چلائے جنوبی صوبہ خیرسون میں روسی حملوں کے نتیجے میں سات گھراورایک اسکول تباہ ہوگیا۔

صوبہ ڈونیسک کے گورنر نے کہا کہ جمعے کو روسی افواج نے گیارہ قصبوں پر گولہ باری کی جس کے نتیجے میں ایک شہری ہلاک اور تین زخمی ہوگئے۔

Leave a reply