روس یوکرین جنگ:امریکہ کاروس کوجی20سےنکالنے کا مطالبہ:روس سخت غُصّےمیں‌ آگیا

0
22

امریکی صدر جو بائیڈن کا کہنا ہے کہ وہ سمجھتے ہیں کہ روس کو جی 20 کی بڑی معیشتوں کے گروپ سے نکال دینا چاہیے۔

غیر ملکی خبر رساں ادارے کے مطابق بائیڈن نے برسلز میں جاری عالمی رہنماؤں کی ملاقات کے دوران ایک سوال کے جواب میں کہا ہے کہ روس کو جی 20 نکال دینا چاہیے تاہم، یہ جی 20 پر منحصر ہےلیکن اگر انڈونیشیا اور دیگر ممالک روس کو ہٹانے پر متفق نہیں ہیں تو ان کے خیال میں یوکرین کو اجلاسوں میں شرکت کی اجازت دی جانی چاہیے۔

دوسری جانب یوکرینی صدر ولادیمیر زیلنسکی نے کہا ہے کہ یوکرینیوں کو امن حاصل کرنے اور روسی بمباری کو روکنے کی ضرورت ہے جس نے لاکھوں افراد کو پولینڈ جیسے ملک میں نقل مکانی کرنے پر مجبور کیا ہے جہاں امریکی صدر جو بائیڈن دورہ کر کے بحران کا مشاہدہ کرنے والے ہیں۔

جمعرات کو برسلز میں نئی ​​فوجی اور انسانی امداد کے اعلان کرنے کے بعد مغربی رہنماؤں نے روس کے حملے کو وحشیانہ قرار دیتے ہوئے اس کی مذمت کی جبکہ امریکہ اور برطانیہ نے روس پر پابندیوں کو نئے اہداف تک بڑھادیا۔

قبل ازیں، واشنگٹن نے درجنوں روسی دفاعی کمپنیوں، پارلیمنٹ کے سینکڑوں ارکان اور ملک کے سب سے بڑے بینک کے چیف ایگزیکٹو پر نئی پابندیاں عائد کر دی ہیں۔انتظامیہ کے ایک سینیئر اہلکار نے نام ظاہر نہ کرنے کی شرط پربتایا کہ ہمارا مقصد ان مراعات اور فوائد کو ختم کرنا ہے جو روس نے کبھی بین الاقوامی اقتصادی نظام میں حصہ لینے والے کے طور پر حاصل کیےتھے۔

اقوام متحدہ کے مطابق روسی حملے جسے صدر ولادیمیر پوتن ایک خصوصی آپریشن کہتے ہیں، نے ہزاروں افراد کو ہلاک کیا جبکہ 36 لاکھ افراد کو ملک چھوڑنے پر مجبور کر دیا۔

 

Leave a reply