روس، جاسوسی کے الزام میں قید سابق امریکی فوجی کے خلاف بڑا فیصلہ آگیا

روس کی ایک عدالت نے جاسوسی کے الزام میں قید سابق امریکی فوجی کی حراست میں 2ما ہ کی توسیع کر دی ہے۔ امریکی فوجی پال وہلن گذشتہ دسمبر سے روس کی جیل میں قید ہے ۔

رائٹرز کے مطابق روسی عدالت نے پول وہلن کی قید میں اکتوبر تک توسیع کر دی ،روس حکام دوہفتوں کے اندر تحقیقات مکمل کر کے چارج شیٹ لگائیں گے۔

وہلن نے اپنے اوپر الزامات کی تردید کرتے ہوئے کہا ہے کہ عدالت کی سماعتوں کا مقصد وقت کاضیاع ہے۔

یاد رہے کہ وہلن کے پاس امریکہ ، برطانوی ، کینیڈاین اور آئرش پاسپورٹ ہیں۔ وہلن کو 28 دسمبر کو ماسکو کے ایک ہوٹل سے گرفتار کیا گیا۔