روس اور امریکہ آمنے سامنے ، روس نے دور میزائل تجربات کرکے پیغام دے دیا

ماسکو : روس اور امریکہ آمنے سامنے ، روس نے میزائل تجربات کرکے امریکہ کو پیغام پہنچا دیا ، اطلاعات کے مطابق روسی فوج نے امریکہ کے میزائل تجربے کے جواب میں دو میزائل تجربات انجام دیئے ہیں۔ روسی وزارت دفاع کے مطابق قطب شمالی اور بیرنٹس سی میں موجود بحری بیڑوں سے داغے جانے والے یہ میزائل آرخن گلسک اور جزیرہ کامچاتکا میں طے شدہ اہدف پر لگے ہیں۔

روسی میڈیا کے مطابق روس کے صدر ولادی میر پوتین نے گزشتہ دنوں وزارت دفاع کو حکم دیا تھا کہ وہ امریکہ کے حالیہ میزائل تجربے کا جواب دینے کی تیاری کرے۔ یہ بھی یاد رہے کہ امریکہ نے گزشتہ پیر کو جدید ترین کروز میزائل کے تجربے کا اعلان تھا جو پانچ سو کلومیٹر تک پرواز کرنے کے بعد اپنے ہدف کو نشانہ بنانے کی صلاحیت رکھتا ہے۔ روسی فوج نے امریکہ کے میزائل تجربے کے جواب میں دو میزائل تجربات انجام دیئے ہیں۔