fbpx

راولپنڈی؛ دہرے قتل کا معاملہ، ملزم نے دوخواتین کو قتل کرکے خود بھی خودکشی کرلی

راولپنڈی میں دہرے قتل کا معاملہ، ملزم نے دوخواتین کو قتل کرکے خود بھی خودکشی کرلی ہے.

کلرسیداں میں گھریلو ناچاکی پر ملزم نے دو خواتین کو قتل کرنے کے بعد خود کو گولی مار کر اپنی زندگی کا بھی خاتمہ کرلیا۔ میڈیا رپورٹ کے مطابق دہرے قتل کا واقعہ راولپنڈی کے تھانہ کلر سیداں کی حدود میں پیش آیا جہاں رشید نامی شخص نے اپنی تایا زاد زینت بیگم اور سابقہ سالی شہناز کو قتل کرنے کے بعد خود کو بھی گولی کر خودکشی کرلی۔

واقعے کی اطلاع ملتے ہی متعلقہ پولیس اور فرانزک ٹیموں نے موقع پر پہنچ کر تفتیش کا آغاز کردیا ہے۔ پولیس نے واقعے سے متعلق کہا ہے کہ ملزم رشید نور سرکاری ادارے سے فارغ کیا گیا تھا جس کے بعد وہ کچھ عرصہ بیرون ملک میں بھی رہا تھا. رشید نے گھریلو ناچاکی پر اپنی اہلیہ کو ایک سال قبل طلاق دے دی تھی جس کے بعد سے خاندان میں کشیدگی چل رہی تھی۔

پولیس کا کہنا ہے کہ اسی تنازے پر ملزم نے سالی کے گھر جاکر رائفل سے فائرنگ کرکے سابقہ سالی شہناز اور تایا زاد بہن زینت بیگم کو قتل کیا، بعدازاں ملزم گھر گیا اور کمرہ بند کرکے خود کو بھی گولی مار کر اپنی زندگی کا خاتمہ کرلیا۔ ڈی ایس پی کہوٹہ طاہر سکندر کا کہنا ہے کہ جائے وقوعہ سے فرانزک شہادتیں اکھٹی کرکے نعشوں کو پوسٹ مارٹم کے لیے اسپتال منتقل کردیا ہے۔ اور پولیس شواہد کی بنا پر تفتیش کر رہی کہ آیا اس نے اسلحہ کہاں سے لیا تھا.

واضح رہے کہ اس سے قبل بھی راولپنڈی میں رکشہ پر سوار بہن بھائی کو کسی نے قتل کردیا تھا جس کے بعد پولیس نے جائے وقوع پر پہنچ کر تفتیش شروع کردی تھی اور کہا تھا کہ ملوث ملزمان کے خلاف سخت کی جائے گی.