fbpx

سعودی عرب کے مختلف علاقوں میں موسلادھار بارش کے بعد سیلابی صورتحال

سعودی عرب کے مختلف علاقوں میں موسلادھار بارش کے بعد سیلابی صورتحال پیدا ہوگئی ہے۔

باغی ٹی وی : غیر ملکی خبر ایجنسی کے مطابق شہری دفاع کے اہلکاروں نے گھروں میں محصور مکینوں کو کشتیوں کے ذریعے دوسری جگہ منتقل کیا۔

رونالڈو کا دورہ سعودی عرب؛ بے دھیانی میں سعودی عرب کو ساؤتھ افریقہ کہہ دیا

مدینہ منورہ کی ایک وادی میں سیلاب میں پھنسے ہوئے دو شہریوں کو ہیلی کاپٹر سے بحفاظت ریسکیو کرلیا گیا جس کی ویڈیو سوشل میڈیا پر وائرل ہو رہی ہے-


ویڈیو کلپ میں دکھایا گیا کہ سول ڈیفنس اتھارٹی دونوں افراد کو بچانے میں کامیاب ہو گئی۔ ان افراد کو رسیوں کے ذریعہ سے پانی سے نکالا گیا۔

نیشنل سینٹر آف میٹرولوجی نے جمعہ کے روز سعودی عرب کے مختلف علاقوں میں تیز ہواؤں، ژالہ باری اور موسلا دھار بارش کی پیش گوئی کی تھی۔ نجران، جازان، عسیر، الباحہ اور مکہ مکرمہ کے کچھ علاقوں اور مدینہ منورہ کے بالائی علاقوں پر بارش والے موسم کا کہا تھا۔

خواتین کو محرم کے بغیر حج کیلئے رجسٹریشن کی اجازت

قبل ازیں محکمہ موسمیات کی جانب سے دی گئی وارننگ میں کہا گیا تھا کہ مکہ مکرمہ، جدہ، الخرمہ، المویہ، تربہ، رنیہ، اضم، میسان، طائف، الکامل، رابغ، خلیص، عسفان، الجموم، بحرہ، اللیث اور الشعیبہ میں موسلا دھار بارش سے سیلابی صورتحال کا خدشہ ہے۔

بیان میں کہا گیا تھا کہ موسلا دھار بارش کا سلسلہ مدینہ منورہ، ریجن اور اس کی کمشنریوں تک پھیل جائےگاریاض، حائل، القصیم، الشرقیہ، حدود شمالیہ اور شمال مشرقی علاقے بھی بارش کی زد میں آئیں گے اس کے علاوہ الجوف میں بھی بارش ہوگی، سعودی عرب کے شمالی علاقوں پر برفباری کا بھی امکان ہے۔

سعودی عرب میں گداگری غیرقانونی اور قابل سزا جرم قرار